Prevyu. "Qo'qon-1912" - "Andijon"

Qo'qon-1912 (Qo'qon) – Andijon (Andijon)
11 aprel 2015. Qo'qon. "Markaziy" stadioni. 16:00
Hakamlar: H.Ro'ziev, O.Abduvosilov, A.Kalinin, A.Rubakov.
Nazoratchi: A.Abdullaev.

“Qo'qon-1912” va “Andijon” oliy ligada jami 18 bora to'qnash kelishgan. Natijalar “Andijon”ning ustunligini ko'rsatmoqda. “Burgutlar” 9ta o'yinda g'olib bo'lishgan. 4ta o'yinda durang qayd etilgan. 5 uchrashuvda esa “Qo'qon-1912” zafar quchgan. To'plar nisbatida ham “Andijon” oldinda – 40:29. O'zaro o'yinlarda “Andijon” 31 ochkoni, “Qo'qon-1912” esa 19 ochkoni  qo'lga kiritgan.

“Qo'qon-1912”ning o'zaro o'yinlarda qozongan eng yirik g'alabasi – 5:1 ga teng. “Andijon”da bu ko'rsatkich 6:0 bo'lib turibdi.

2003 yil bo'lib o'tgan o'yinlarda maydon egasi bo'lgan klub g'alaba qozongan. Qo'qonda bo'lib o'tgan bahsda mezbonlardan Muhsin Nizomiddinov va Rahmat Inog'omov gol urishgan, bunga Sanjar Asqaraliev javob bergan – 2:1. Andijonda esa o'yin taqdirini bitta gol hal qilgan. “Burgutlar” hujumchisi Baxtiyor Hamidullaev “Andijon”ga uch ochko keltirgan – 1:0.


“Qo'qon-1912” maydonida bo'lib o'tgan so'nggi besh uchrashuv:
29.06.2003 Qo'qon-1912 - Andijon 2:1
30.03.2002 Qo'qon-1912 - Andijon 1:1
11.04.2000 Qo'qon-1912 - Andijon 1:1
23.05.1999 Qo'qon-1912 - Andijon 5:1
28.03.1998 Qo'qon-1912 - Andijon 0:6

O'zaro o'yinlar haqida fakt: Bu jamoalar Qo'qonda 9ta o'yin o'tkazishgan. SHu o'yinlardan 5tasida mezbonlar, 3ta uchrashuvda durang hisobi qayd etilgan. “Andijon” safarda faqat bir marta (1998 yil) Qo'qondan g'alaba bilan qaytgan.