Prevyu. "Qizilqum" - "Navbahor"

QIZILQUM - NAVBAHOR
1 iyun. Navoiy. "Yoshlar" sport majmuasi. 19:00
Hakamlar: I.Tantashev, R.Serazetdinov, R.SHoyahmetov, A.Rahimov
Nazoratchi: A.Popov.

Bu ikki klubning yo'llari oliy liga o'yinlarida 28 bor kesishgan. Ustunlik “Navbahor” tomonida. 10ta o'yinda namanganliklarning qo'li baland kelgan bo'lsa, 7ta uchrashuvda “Qizilqum” g'olib bo'lgan. 11ta bahsda g'olib aniqlanmagan. To'plar nisbati ham “Navbahor” foydasiga. “Lochinlar” shu kunga qadar o'zaro o'yinlarda 36ta gol kiritib o'z darvozalaridan 27 marta to'p olib chiqishgan. O'zaro o'inlarda “Navbahor” 41 ochkoni, “Qizilqum” esa 32 ochkoni qo'lga kiritgan.

“Navbahor” oliy ligada “Qizilqum” ustidan 4:0 hisobida g'alaba qozongan. Bu o'zaro o'yinlardagi namanganliklarning eng yirik g'alabasi hisoblanadi. “Qizilqum”ning o'zaro o'yinlardagi ushbu raqib ustidan erishgan eng yirik g'alabasi esa 3:0ga teng.

O'tgan mavsumda “Navbahor” har ikki safar 1:0 hisobida zafar quchgan. Zarafshondagi ilk bahsda Ro'zim Ahmedov gol urgan bo'lsa (0:1), Kosonsoydagi bellashuvda Botirbek To'raboev o'z nomini tabloga yozdirib qo'ygan – 1:0.

“Qizilqum” maydonida bo'lib o'tgan so'nggi besh uchrashuv:
14.04.2013 Qizilqum - Navbahor 0:1
21.11.2012 Qizilqum - Navbahor 1:1
16.04.2011 Qizilqum - Navbahor 0:0
08.05.2010 Qizilqum - Navbahor 1:0
23.05.2009 Qizilqum - Navbahor 1:0

O'zaro o'yinlar haqida fakt: Bu jamoalar o'rtasidagi “Qizilqum” maydonida o'tgan o'yinlarda 5 marta durang qayd etilgan. 5 marta “Qizilqum”, 4 marta “Navbahor” g'alaba qozongan.