Prevyu. "Qizilqum" - "Metallurg"

Qizilqum (Navoiy) – Metallurg (Bekobod)
5 noyabr 2015. Navoiy. "So'g'diyona" stadioni. 14:00
Hakamlar: O. Tolibjonov (Toshkent), A. Kalinin (Qarshi), R. Nugmanov (Toshkent), F. Norsafarov (Qarshi)
Nazoratchi: A. Arutyunov (Toshkent).

Bu ikki klubning yo'llari oliy liga o'yinlarida 31 bor kesishgan. Ustunlik “Qizilqum” tomonida. 14ta o'yinda “Qizilqum”ning qo'li baland kelgan bo'lsa, 9ta uchrashuvda “Metallurg” g'olib chiqqan. Yana 8ta bahsda g'olib aniqlanmagan. To'plar nisbati ham “Qizilqum” foydasiga. Navoiyliklar shu kunga qadar o'zaro o'yinlarda 45ta gol kiritib o'z darvozalaridan 36 marta to'p olib chiqishgan. O'zaro o'inlarda “Qizilqum” 50, “Metallurg” esa 35 ochkoni qo'lga kiritgan.

“Metallurg” oliy ligada “Qizilqum” ustidan 4:1 hisobida g'alaba qozongan. Bu o'zaro o'yinlardagi bekobodliklarning eng yirik g'alabasi hisoblanadi. “Qizilqum”ning o'zaro o'yinlardagi erishgan eng yirik g'alabasi esa 5:0ga teng.

14-turda Bekobodda o'tgan bahsda Rustam Mirsodiqov shogirdlari zafar quchishgan. Maydon egalari safida SHahzodbek Nurmatov (2ta), Ayubxon No'monov va Zohid Abdullaev gol urishgan. “Qizilqum”dan Bahriddin Vahobov hamda Farruh Haydarov to'p kiritishgan – 4:2.

“Qizilqum” maydonida bo'lib o'tgan so'nggi besh uchrashuv:
02.11.2014 Qizilqum - Metallurg 0:0
21.09.2013 Qizilqum - Metallurg 1:0
27.10.2012 Qizilqum - Metallurg 0:0
17.09.2011 Qizilqum - Metallurg 2:1
13.03.2010 Qizilqum - Metallurg 0:1

O'zaro o'yinlar haqida fakt: “Qizilqum” maydonida bo'lib o'tgan o'yinlarda “Metallurg” 2 marta g'alaba qozongan. 3ta uchrashuv durang qayd etilgan. Qolgan 10ta o'yinda “Qizilqum” zafar quchgan. “Metallurg” oxirgi 3ta o'yinda bu raqib darvozasiga safarda gol ura olmagan.