PREVYU. "Qizilqum" - "Lokomotiv"

Qizilqum – Lokomotiv
26 sentyabr 2014 yil. Navoiy. “Yoshlik SM” stadioni. 18:00
Hakamlar: R.Ermatov, A.Rasulov, J.Saidov, SH.Ro'ziqulov
Nazoratchi: B.Galeev.

Bu ikki klubning yo'llari oliy liga o'yinlarida 19 bor kesishgan. Natijalar “Loko”ning ustunligini ko'rsatmoqda. “Temiryo'lchilar” 8 marta g'alabaga erishishgan, 7ta o'yinda “Qizilqum” zafar quchgan. Yana 4ta bahsda g'olib aniqlanmagan. To'plar nisbati esa “Lokomotiv” foydasiga. Toshkentliklar shu kunga qadar o'zaro o'yinlarda 25ta gol kiritib o'z darvozalaridan 16 marta to'p olib chiqishgan. O'zaro o'inlarda “Lokomotiv” 28, “Qizilqum” 25 ochkoni qo'lga kiritgan.

“Lokomotiv” oliy ligada “Qizilqum” ustidan 5:0 hisobida g'alaba qozongan. Bu o'zaro o'yinlardagi poytaxtliklarning eng yirik g'alabasi hisoblanadi. “Qizilqum”ning o'zaro o'yinlardagi erishgan eng yirik g'alabasi esa 3:1ga teng.

Dastlabki davrada Toshkentda kechgan o'yinda tomoshabinlar 5ta gol ko'rishgan. Dastlab navoiyliklar vakili Ruslan Vagapov hisobni ochgandi. SHundan so'ng “Lokomotiv” vakillari to'rtta gol urishdi. Ivan Nagaev, Ibrohim Rahimov, Sadriddin Abdullaev va Ilhom Suyunov mehmonlar darvozasini ishg'ol qilgandi – 4:1.  

“Qizilqum” maydonida bo'lib o'tgan so'nggi besh uchrashuv:
26.08.2013 Qizilqum - Lokomotiv 1:0
08.08.2012 Qizilqum - Lokomotiv 1:1
03.04.2010 Qizilqum - Lokomotiv 0:1
29.06.2009 Qizilqum - Lokomotiv 1:0
05.07.2008 Qizilqum - Lokomotiv 1:0

O'zaro o'yinlar haqida fakt: “Qizilqum” maydonida bo'lib o'tgan 9ta o'yinning 5tasida maydon egalari uch ochkoga ega bo'lishgan. Uch marta durang qayd etilgan. “Lokomotiv” faqat bir bora safardan g'olib sifatida qaytgan.