Prevyu. "Paxtakor" - "So'g'diyona"

Paxtakor (Toshkent) – So'g'diyona (Jizzax)
16 oktyabr 2015. Toshkent. "Paxtakor" stadioni. 17:00
Hakamlar: M. Muhamedov (Toshkent vil.), R. Fozilov (Namangan), M. Majidov (Namangan), F. Norsafarov (Qarshi)
Nazoratchi: I. Nexochin (Namangan).

“Paxtakor” hamda “So'g'diyona” klublari oliy ligada shu kungacha 39 bor kuch sinashishgan. “Paxtakor” 31ta o'yinda g'alaba qozongan. 4ta uchrashuvda “So'g'diyona”ning qo'li baland kelgan. 4ta o'yinda durang qayd etilgan. To'plar nisbatida ustunlik “SHerlar” tomonida: 104:34. “Paxtakor” o'zaro o'yinlarda 97 ochkoga ega bo'lgan, “So'g'diyona” esa 16 ochkoni qo'lga kiritgan. “Paxtakor”ning “So'g'diyona” ustidan qozongan eng yirik g'alabasi 6:1ga teng bo'lsa, “So'g'diyona”ning toshkentliklar ustidan erishgan eng yirik g'alabasi – 4:1.

Birinchi davrada  Zominda bo'lib o'tgan o'yinda SHerzod Karimov hisobni ochgandi. So'ngra Igor Sergeev ikkita gol urib “sherlar”ga yirik g'alaba keltirgan – 0:3.

Toshkentda o'tgan so'nggi besh uchrashuv:
02.11.2014 Paxtakor - So'g'diyona 2:0
29.09.2013 Paxtakor - So'g'diyona 4:3
02.10.2011 Paxtakor - So'g'diyona 1:0
04.10.2009 Paxtakor - So'g'diyona 5:1
17.08.2008 Paxtakor - So'g'diyona 6:1

O'zaro o'yinlar haqida fakt: “Paxtakor” o'z maydonida o'tkazgan 19ta o'yinning 17tasida g'olib chiqqan. Bitta bellashuvda (1993 yil) tomonlar ochkolarni bo'lib olishgan. Faqat bir marta (1995) “So'g'diyona” safardan uch ochko bilan qaytgan. Toshkentdagi oxirgi 15ta o'yinda “Paxtakor” bu jamoani faqat mag'lub etgan.