Prevyu: “Paxtakor” – “SHabab Al Ahli”
08 fev 2020 12:27
Yangiliklar

Prevyu: “Paxtakor” – “SHabab Al Ahli”

10 fevral kuni CHempionlar ligasidagi o'yin bilan jamoamiz 2020 yilgi mavsumni boshlaydi.

Ketma-ket uchinchi mavsum “Paxtakor” mavsumni xalqaro maydondagi ishtiroki bilan boshlab beradi. Ilk o'yin bu safar BAAning eng kuchli jamoalaridan biri, ayni paytda o'z chempionatida ishonch bilan peshqadamlik qilayotgan “SHabab Al Ahli” jamoasiga qarshi bo'lib o'tadi. Dubay shahrining ushbu klubi oxirgi yillarda mavqeini mustahkamlab, sovrinlarni qo'lga kiritib kelmoqda.

“Paxtakor” mazkur o'yinga tayyorgarlik doirasida Toshkent va BAAning Abu Dabi amirligida o'tgan yig'in, shuningdek, nazorat uchrashuvlari o'tkazdi. BAAdagi yig'inda “Rostov” (1:1), “Jilina” (0:0) va “Suvon Samsung” (1:0) bilan bellashuvlar tashkil etildi. “SHabab Al Ahli” esa BAA chempionati uchrashuvlarida maydonga tushdi.

“SHerlar” bu raqibga qarshi 6 uchrashuvda maydonga tushgan. Ulardan ikkitasi “SHabab” va to'rttasi “Ahli”ga qarshi o'tkazilgan. Hozirgi jamoa ushbu klublar, shuningdek, “Dubay” jamoasi birlashuvidan tashkil topgan. “SHabab” bilan 1:0 va 1:2 hisoblari qayd etilgan. “Ahli” esa 3:2, 1:0, 2:1 va 2:0 hisoblarida dog'da qoldirilgan. Demak, umumiy hisobda 6 bahsdan 5tasida "Paxtakor" ustun kelgan. Raqib darvozasiga 10 to'p kiritilib, 5 gol o'tkazib yuborilgan.

O'yinni jamoalardan diskvalifikaciya sababli o'tkazib yuborishga majbur futbolchilar mavjud emas.

“Paxtakor” va “SHabab Al Ahli” jamoalari o'rtasidagi bellashuv 10 fevral, dushanba kuni 16:00da “Paxtakor” stadionida boshlanadi. Muhim bahsda "Paxtakor"ni stadionda qo'llab-quvvatlang!

Pakhtakor Tashkent

Jaloliddin Masharipov - 18', Dragan Ceran - 70'

AFC Champions League Grp. B . 1-tur

10/02/2020, 15:00

Tugadi

Shabab Al-Ahli Dubai FC

Pedro Conde - 67'

45'

90'