Prevyu. "Olmaliq" - "Qizilqum"

Olmaliq (Olmaliq) – Qizilqum (Navoiy)
2 may. Olmaliq. “OKMK” stadioni. 18:30
Hakamlar: B. Namazov (Toshkent), T. Galeev (Toshkent), A. Po'latov (Toshkent), R. Lutfulin (Toshkent)
Nazoratchi: V. Valickiy (Toshkent).

“Olmaliq” va “Qizilqum” oliy ligada 14 marta to'qnash kelishgan. Ushbu o'yinlardan 7tasida olmaliqliklar g'olib bo'lishgan. 2ta o'yin durang hisobida yakunlangan, “Qizilqum” hisobida 5ta g'alaba mavjud.

“Olmaliq” shu kungacha o'zaro o'yinlarda “Qizilqum” darvozasiga 25ta to'p kiritgan, navoiyliklar esa “Olmaliq” darvozasiga 20ta gol urishgan. “Olmaliq”  o'zaro o'yinlarda 23 ochko ishlab olgan bo'lsa, “Qizilqum” 17 ochkoni qo'lga kirita olgan. “Olmaliq”ning oliy ligada “Qizilqum” ustidan erishgan eng yirik g'alabasi 5:1 ni tashkil qiladi. “Qizilqum”ning yirik g'alabasi esa 4:2.
 
O'tgan mavsumda Olmaliqda o'tgan uchrashuvda mezbonlar g'alaba qozonishgan. SHaker Zuagining goli o'yin taqdirini hal qilgan – 1:0. Navoiyda esa “Qizilqum” zafar quchgan. Eldor Boymatov va Georgiy Kvesieshvili (ikkita) tomonidan urilgan gollarga mehmonlar safida Dilyaver Abibullaev hamda Zafar Polvonov javob bergandi – 3:2.

Olmaliqda o'tgan so'nggi besh uchrashuv:
26.04.2014 Olmaliq - Qizilqum 1:0
09.03.2013 Olmaliq - Qizilqum 2:1
22.04.2012 Olmaliq - Qizilqum 2:2
31.07.2011 Olmaliq - Qizilqum 2:1
21.08.2010 Olmaliq - Qizilqum 5:1

O'zaro o'yinlar haqida fakt: “Olmaliq” o'z uyida o'tgan 7ta o'yinning 6tasida g'olib bo'lgan. Faqat 2012 yil bo'lib o'tgan o'yinda “Qizilqum” safarda durangga erisha olgan.