PREVYU. "Olmaliq" - "Lokomotiv"

Olmaliq (Olmaliq) – Lokomotiv (Toshkent)
14 may 2015. Olmaliq. "OKMK" stadioni. 19:00
Hakamlar: V. Serazetdinov (Toshkent), R. Samandarov (Navoi), O. Jumaev (Navoi), A. Risqullaev (Toshkent)
Nazoratchi: R. Aytekov (Toshkent).

“Olmaliq“ hamda “Lokomotiv“ shu kunga qadar o'zaro 12 marotaba kuch sinashishgan. Natijalar "Lokomotiv”ning ustunligini ko'rsatmoqda. “Olmaliq” 3ta o'yinda yutgan, “Lokomotiv” hisobida esa 7ta g'alaba bor. Yana ikkita o'yin durang bilan tugagan. To'plar nisbatida toshkentliklar ustun: 19-15. O'zaro o'yinlarda “Olmaliq” 11, “Lokomotiv” esa 23 ochko qo'lga kiritgan.

“Olmaliq”ning “Lokomotiv” ustidan qozongan eng yirik g'alabasi – 4:0. O'z navbatida “temiryo'lchilar”ning  “Olmaliq” ustidan qozongan eng yirik g'alabasi – 3:0 ni tashkil etadi.

O'tgan yil birinchi davrada “Lokomotiv” o'z uyida yirik g'alabaga erishgan. Farhod Tojiev va Jasur Hasanov birinchi bo'limda, Viktor Karpenko esa ikkinchi bo'limda omaliqliklar darvozasiga gol urishgandi – 3:0. Ikkinchi davrada Olmaliqdagi uchrashuvda bitta gol o'yin taqdirini hal qilgan. Farhod Tojievning kiritgan to'pi “temiryo'lchilar”ga g'alaba keltirgan – 0:1.

Olmaliqda o'tgan barcha uchrashuvlar:
17.10.2014 Olmaliq - Lokomotiv 0:1
10.08.2013 Olmaliq - Lokomotiv 1:2
20.06.2012 Olmaliq - Lokomotiv 1:0
11.09.2010 Olmaliq - Lokomotiv 1:1
12.09.2009 Olmaliq - Lokomotiv 4:0
08.08.2008 Olmaliq - Lokomotiv 4:3

O'zaro o'yinlar haqida fakt : “Olmaliq” klubi shu kungacha oliy ligada o'z maydonida “Lokomotiv”ni uch marta taslim qilgan. Bitta o'yinda durang qayd etilgan. Ikkita bahsda “Loko” safardan g'alaba bilan qaytgan. Etiborlisi bu g'alabalar oxirgi ikki yilda qo'lga kiritilgan.