Prevyu. "Neftchi" - "Paxtakor"

Neftchi (Farg'ona) – Paxtakor (Toshkent)
30 sentyabr 2015. Farg'ona. "Istiqlol" stadioni. 17:00
Hakamlar: V. Agishev (Toshkent), R. Samandarov (Navoiy), O. Jumaev (Navoiy), D. Muxtorov (Toshkent)
Nazoratchi: S. Najafaliev (Toshkent).
O'zPFL vakili: A. Inoyatov.

Bu ikki buyuk klubning yo'llari oliy liga o'yinlarida 47 bor kesishgan. Ustunlik “Paxtakor” tomonida. 23ta o'yinda toshkentliklarning qo'li baland kelgan bo'lsa, 17ta uchrashuvda “Neftchi” g'olib bo'lgan. 7ta uchrashuvda g'olib aniqlanmagan. To'plar nisbati ham “Paxtakor” foydasiga. Toshkent klubi shu kunga qadar o'zaro o'yinlarda 78ta gol kiritib o'z darvozasidan 60 marta to'p olib chiqqan. O'zaro o'inlarda “Paxtakor” 76 ochkoni, “Neftchi” esa 58 ochkoni qo'lga kiritgan.

“Paxtakor” oliy ligada “Neftchi” ustidan 6:1 hisobida g'alaba qozongan. Bu o'zaro o'yinlardagi “sherlar”ning eng yirik hisobidagi g'alabasi. “Neftchi”ning o'zaro o'yinlardagi “Paxtakor” ustidan erishgan eng yirik g'alabasi esa 4:0 bo'lib turibdi.

Dastlabki davrada Toshkentda o'tgan o'yinda maydon egalari Egor Krimec va Igor Sergeevning gollari evaziga 2:0 hisobida g'alabaga erishishgan edi.

Farg'onada bo'lib o'tgan so'nggi besh uchrashuv:
23.03.2014 Neftchi – Paxtakor 1:2
29.10.2013 Neftchi – Paxtakor 0:3
11.06.2012 Neftchi – Paxtakor 3:1
22.10.2011 Neftchi – Paxtakor 4:1
06.05.2010 Neftchi – Paxtakor 3:3

O'zaro o'yinlar haqida fakt: “Neftchi” o'z maydonida bo'lib o'tgan o'yinlarning 13tasida muvaffaqiyat qozongan. 5ta bahsda g'olib aniqlanmagan. “Paxtakor” Farg'onadan besh marta uch ochko bilan qayta olgan. “Neftchi” oxirgi ikki yilda o'z uyida bu raqibga yutqazgan.