Prevyu. "Neftchi" - "Mashal"

Neftchi (Farg'ona) – Mashal (Muborak)
18 aprel 2015. Farg'ona. “Istiqlol” stadioni. 17:00
Hakamlar: R. Bobomurodov (Navoiy), R. Samandarov (Navoiy), O. Jumaev (Navoiy), A. SHukurullaev (Toshkent)
Nazoratchi: A. Popov (Toshkent).
UzPFL vakili: V. Letkin.

“Neftchi“ hamda “Mashal“ shu kunga qadar o'zaro 28 marotaba kuch sinashishgan. Natijalar “Neftchi”ning ustunligini ko'rsatmoqda. Vodiyliklar 28 bahsning 18tasida g'alaba qozonishgan. 9ta o'yinda “Mashal”ning qo'li baland kelgan. Bu jamoalar shu kunga qadar oliy ligada bir marta durang o'ynashgan. To'plar nisbati ham “Neftchi” foydasiga 53-27. O'zaro o'yinlarda “Neftchi” 55 ochoni qo'lga kiritgan bo'lsa, “Mashal” 25 ochkolik bo'lgan.

“Neftchi”ning “Mashal” ustidan qozongan eng yirik g'alabasi – 7:0. “Mashal”ning “Neftchi” ustidan qozongan eng yirik g'alabasi esa – 3:0 ni tashkil etadi.

O'tgan mavsum Farg'onada bo'lib o'tgan o'yinda tomonlar raqib darvozasiga gol ura olishmagan - 0:0. Muborakdagi uchrashuv taqdirini bitta gol hal qilgan. Ikkinchi bo'lim boshida Zohir Qo'ziboevning kiritgan to'pi "Mashal"ga g'alaba keltirgan - 1:0.

Farg'onada o'tgan so'nggi besh uchrashuv:
26.04.2014  Neftchi – Mashal  0:0
04.05.2012  Neftchi – Mashal  3:0
13.08.2011  Neftchi – Mashal  2:1
10.04.2010  Neftchi – Mashal  3:0
26.10.2009  Neftchi – Mashal  1:0

O'zaro o'yinlar haqida fakt: Bu jamoalar o'rtasidagi Farg'onada kechgan 14ta uchrashuvning 12tasida “Neftchi” zafar quchgan. “Mashal” faqat bir marta 2005 yil vodiyda “Neftchi”ni mag'lub etib qaytgan. O'tgan yilgi mavsumda durang (0:0) qayd etilgan.