Prevyu. "Nasaf" – "So'g'diyona"

“Nasaf” 21ta o'yinda g'alaba qozongan. 6ta uchrashuvda “So'g'diyona”ning qo'li baland kelgan. 1ta o'yinda durang qayd etilgan. To'plar nisbatida ustunlik “Nasaf” tomonida: 59:26. “Ajdarlar” o'zaro o'yinlarda 64 ochkoga ega bo'lishgan, “So'g'diyona” esa 19 ochkoni qo'lga kiritgan. “Nasaf”ning “So'g'diyona” ustidan qozongan eng yirik g'alabasi 4:1ga teng bo'lsa, “So'g'diyona”ning qarshiliklar ustidan erishgan eng yirik g'alabasi – 3:2.

2014 yil 7-turda “Nasaf” safardan g'alaba bilan qaytgandi. Artur Gevorkyanning ikkita goliga “So'g'diyona” yarim himoyachisi Suhrob Berdiev oxirgi daqiqalarda javob bergandi – 1:2. Qarshida Igor Taran (ikkita) va Artur Gevorkyanning goliga “So'g'diyona” safida Oleksandr Kablash javob bergan – 3:1.

Qarshida bo'lib o'tgan so'nggi besh uchrashuv:
20.09.2014 Nasaf - So'g'diyona 3:1
26.08.2013 Nasaf - So'g'diyona 4:2
17.04.2011 Nasaf - So'g'diyona 3:1
03.05.2009 Nasaf - So'g'diyona 3:0
25.06.2008 Nasaf - So'g'diyona 2:0

O'zaro o'yinlar haqida fakt: “Nasaf” o'z maydonida bo'lib o'tgan o'yinlarning 12tasida zafar quchgan. Bir marta durang qayd etilgan. Faqat bir marta “So'g'diyona” Qarshidan g'alaba bilan qaytgan. “Ajdarlar” 2005 yildan buyon o'z uylarida ushbu raqibni faqat mag'lub etib kelishmoqda.  

Narzulla Saydullaev tayyorladi