Prevyu. "Nasaf" - "SHo'rtan"

Nasaf (Qarshi)  - SHo'rtan (G'uzor)
6 mart 2016. Qarshi. "Markaziy" stadioni. 17:00
Hakamlar:  H. Ro'ziev (Toshkent), O. Abduvosilov (Toshkent), S. SHoyusupov (Toshkent), D. Karimov (Toshkent)
Nazoratchi:  A. Xotamov (Toshkent).

“Nasaf” va “SHo'rtan” oliy ligada 20 marta to'qnash kelishgan. Ushbu o'yinlardan 14tasida qarshiliklar g'olib bo'lishgan. Bitta o'yin durang hisobida yakunlangan, “SHo'rtan” hisobida 5ta g'alaba mavjud.

“Nasaf” shu kungacha o'zaro o'yinlarda “SHo'rtan” darvozasiga 45ta to'p kiritgan, g'uzorliklar esa “Nasaf” darvozasiga 22ta gol urishgan. “Ajdarlar”  o'zaro o'yinlarda 43 ochko ishlab olishgan bo'lishsa, “SHo'tan” 16 ochkoni qo'lga kiritgan. “Nasaf”ning oliy ligada bu raqib ustidan erishgan eng yirik g'alabasi 5:0 ni tashkil qiladi. “SHo'rtan”ning yirik g'alabasi esa 3:2 bo'lib turibdi.
 
O'tgan yil G'uzorda tashkil etilgan o'yinda G'ulomHaydar G'ulomov mezbonlarni hisobda oldinga olib chiqqandi. Farruh Sayfiev va Ilhom SHomurodovning o'yin so'nggida urgan gollari “ajdarlar”ga irodali g'alaba keltirgandi – 1:2. “Nasaf” o'z uyida ham g'alaba qozongandi. Zafar Polvonov hisobni ochgandi, bunga mezbonlar safida Azamat Allaniyozov (2ta) va SHerzod Azamov javob berishgandi – 3:1.

Qarshida bo'lib o'tgan so'nggi besh uchrashuv:
12.09.2015 Nasaf - SHo'rtan 3:1
14.04.2013 Nasaf - SHo'rtan 3:0
14.09.2012 Nasaf - SHo'rtan 2:1
15.06.2011 Nasaf - SHo'rtan 5:0
13.03.2010 Nasaf - SHo'rtan 0:0

O'zaro o'yinlar haqida fakt: “Nasaf” Qarshida bo'lib o'tgan o'yinlarda 9 marta muvaffaqiyatga erishgan. Faqat bir bor durang qayd etilgan. “SHo'rtan” Qarshidan umuman g'alaba bilan qaytmagan. Oxirgi to'rt o'yinda “ajdarlar” o'z maydonlarida 4 bor zafar quchishgan.