Prevyu. "Nasaf" - "Qizilqum"

Nasaf (Qarshi) – Qizilqum (Navoiy)
16 aprel 2015. Qarshi. “Markaziy” stadioni. 18:30
Hakamlar: V. Agishev (Toshkent), R. SHoyaxmetov (Toshkent), A. Sidorov (Toshkent), D. Muxtorov (Toshkent)
Nazoratchi: I. SHaripov (Buxoro)
UzPFL vakili: G. Rtveladze.

“Nasaf” hamda “Qizilqum” klublari oliy ligada shu kungacha 30 bor kuch sinashishgan. “Ajdarlar” 18ta o'yinda g'alaba qozonishgan. 6ta uchrashuvda “Qizilqum”ning qo'li baland kelgan. Bu jamoalar o'rtasidagi o'yinlarda 6 marta durang qayd etilgan. To'plar nisbatida ustunlik “Nasaf” tomonida: 55:32. “Ajdarlar” o'zaro o'yinlarda 60 ochkoga ega bo'lishgan, “Qizilqum” esa 24 ochkoni qo'lga kiritgan. “Nasaf”ning “Qizilqum” ustidan qozongan eng yirik g'alabasi 7:1ga teng bo'lsa, “Qizilqum”ning qarshiliklar ustidan erishgan eng yirik g'alabasi – 3:1.

2014 yil 11-turda Navoiydagi bahsda hisobni mezbonlar himoyachisi Akmal Rustamov ochgandi. Oradan ko'p o'tmay Igor Taran o'yindagi so'nggi golni urib hisobni tenglashtirgandi – 1:1. Qarshida mezbonlar Ilhom SHomurodov va Artur Gevorkyanning gollari evaziga g'alaba qozonishgandi – 2:0.

Qarshida bo'lib o'tgan so'nggi besh uchrashuv:
25.10.2014 Nasaf - Qizilqum 2:0
29.06.2013 Nasaf - Qizilqum 7:1
07.05.2012 Nasaf - Qizilqum 2:0
01.11.2011 Nasaf - Qizilqum 2:1
12.04.2010 Nasaf - Qizilqum 1:0

O'zaro o'yinlar haqida fakt: Bu jamoalar o'rtasidagi “Nasaf” uyida kechgan bahslarda mezbonlar 12 marta g'alaba qozonishgan. Ikki o'yinda durang qayd etilgan. “Qizilqum” esa safardan faqat bir marta (2008 yil) bor uch ochko bilan qaytgan. Oxirgi 6ta o'yinda “Nasaf” o'z maydonida bu raqibni faqat mag'lub etgan.