Prevyu. "Nasaf" - "Navbahor"

Nasaf – Navbahor
22 avgust. Qarshi. “Markaziy” stadioni. 19:30
Hakamlar: V.Kovalenko, H.SHodmonov, A.Capenko, I.Ibrohimov
Nazoratchi: G.Imomov.

Bu ikki klubning yo'llari oliy liga o'yinlarida 35 bor kesishgan. Ustunlik “Nasaf” tomonida. 18ta o'yinda qarshiliklarning qo'li baland kelgan bo'lsa, 10ta uchrashuvda “Navbahor” g'olib bo'lgan. Etti uchrashuvda g'olib aniqlanmagan. To'plar nisbati esa “Nasaf” foydasiga. “Ajdarlar” shu kunga qadar o'zaro o'yinlarda 56ta gol kiritib o'z darvozalaridan 55 marta to'p olib chiqishgan. O'zaro o'inlarda “Ajdarlar” 61 ochkoni, “Navbahor” esa 37 ochkoni qo'lga kiritgan.

“Navbahor” oliy ligada “Nasaf” ustidan 6:0 hisobida g'alaba qozongan. Bu o'zaro o'yinlardagi namanganliklarning eng yirik g'alabasi hisoblanadi. “Nasaf”ning o'zaro o'yinlardagi bu raqib ustidan erishgan eng yirik g'alabasi esa 5:0 bo'lib turibdi.

Birinchi davrada “Navbahor” o'z uyida zafar quchgan. Kosonsoydagi bahsda Alisher Mahmudov tomonidan urilgan gol “ajdarlar”ni mag'lubiyatini taminlagandi – 1:0.

Qarshida o'tgan so'nggi besh uchrashuv:
23.10.2013 Nasaf - Navbahor 5:0
20.05.2012 Nasaf - Navbahor 1:1
25.08.2011 Nasaf - Navbahor 3:2
19.09.2010 Nasaf - Navbahor 1:0
18.04.2009 Nasaf - Navbahor 1:0

O'zaro o'yinlar haqida fakt: “Nasaf” o'z uyida 14 marta “Navbahor”ni mag'lub etgan. Bir bora Qarshida durang qayd etilgan. “Lochinlar” ikki marta (1998 va 1999 yillarda) “Nasaf” maydonidan uch ochko bilan qaytishgandi.