Prevyu: “Metallurg” – “So'g'diyona”

Mazkur jamoalar bugungacha oliy liga musobaqalarida o'zaro 30 ta o'yin o'tkazishgan. SHulardan 11 tasida bekobodliklar, 12 tasida jizzaxliklar g'alaba qozonishgan. 7 ta uchrashuvda esa  durang natija qayd etilgan. Kiritilgan va o'tkazib yuborilgan to'plar farqi jizzaxliklar foydasiga – 44:40.

Mazkur jamoalar o'rtasida qayd etilgan eng yirik hisob 4:0. “So'g'diyona” o'z maydonida ham, safarda ham bir martadan shunday hisobda zafar quchgan. Eng gollarga boy o'yin 2014 yili Zomindagi stadionda bo'lib o'tgan uchrashuvda kuzatilgan. Unda darvozalarga to'qqizta to'p kiritilgan. “Metallurg” jamoasi ham bir marta ham o'z maydonida, hamda safarda bitta mavsumning o'zida g'alaba nashidasini surgan.

Ushbu jamoalarning Bekobodda o'tkazilgan o'yinlar nisbati “Metallurg” foydasiga: 9 g'alaba, 3 durang, 3 mag'lubiyat, kiritilgan va o'tkazib yuborilgan gollar farqi – 24:18.

O'tgan mavsumning ochilish uchrashuvi bo'lgan Bekoboddagi o'yinda Zohid Abdullaev 37-daqiqada hisobni ochgan bo'lsa, 88-daqiqada Farrux SHotursunov hisobni tenglashtirgandi. Faqatgina so'nggi soniyalarda bekobodliklar g'alaba to'pini kiritishgan muvaffaq bo'lgandi. Uni ham “Metallurg” Zohid Abdullaev kiritgandi. Qizig'i shundaki, jizzaxliklarning yagona javob goli muallifi SHotursunov ikkinchi davrada  “Metallurg” sharafini himoya etgandi.
 
Bekobodda o'tgan so'nggi olti uchrashuv:
05.03.2016 Metallurg - So'g'diyona 2:1
26.08.2015 Metallurg - So'g'diyona 1:2
14.05.2014 Metallurg - So'g'diyona 4:2
20.04.2013 Metallurg - So'g'diyona 2:1
10.06.2011 Metallurg - So'g'diyona 3:2
18.05.2009 Metallurg - So'g'diyona 3:1