Prevyu. "Mashal" - "Qizilqum"

Natijalar Muborak klubining ustunligini ko'rsatmoqda. Ushbu o'yinlardan 7 tasida “Mashal” g'olib bo'lgan. 11 o'yin durang hisobida yakunlangan. Yana 6 uchrashuvda “Qizilqum” g'olib bo'lgan.

“Mashal” shu kungacha o'zaro o'yinlarda “Qizilqum” darvozasiga 32ta gol kiritgan “Qizilqum” esa 29 bora “Mashal” posbonini ranjitgan. “Mashal” 32, “Qizilqum” 29 ochkoni qo'lga kiritishgan. “Mashal”ning oliy ligada “Qizilqum” ustidan erishgan eng yirik g'alabasi 6:1 ni tashkil qiladi. Zarafshonlikning eng yirik g'alabasi esa – 6:3 bo'lib turibdi.

O'tgan yil birinchi davrada Navoiyda bo'lib o'tgan bahsda durang qayd etilgan. Ikkala jamoa bir qator vaziyatlar yaratishgan, biroq hech bir tomon gol ura olmagan – 0:0. Muborakda “Mashal” zafar quchgan. Zohir Qo'ziboev va Siroj Hamroevning gollariga “Qizilqum”dan Akmal Rustamov javob bergan – 2:1.

Muborakda o'tgan so'nggi besh uchrashuv:
27.08.2014 Mashal - Qizilqum 2:1
20.06.2012 Mashal - Qizilqum 0:2
09.04.2011 Mashal - Qizilqum 0:0
29.05.2010 Mashal - Qizilqum 0:2
30.10.2009 Mashal - Qizilqum 6:1

O'zaro o'yinlar haqida fakt : Bu jamoalarning Muborakda bo'lib o'tgan 12ta uchrashuvning 2tasi durang bilan tugagan. Beshta o'yinda “Mashal” g'alaba qozongan, yana beshta uchrashuvda “Qizilqum” safardan uch ochko bilan qaytgan.

Narzulla Saydullaev tayyorladi