PREVYU. "Lokomotiv" - "Metallurg"

Lokomotiv (Toshkent) – Metallurg (Bekobod)
15 avgust. Toshkent. “TTYMI” stadioni. 19:00
Hakamlar: T.To'xtasinov, V.Lushin, A.Marajabov, S.Sattorov.
Nazoratchi: I.SHaripov.

“Metallurg” va “Lokomotiv” oliy ligada jami 19 bora to'qnash kelishgan. Natijalar “temiryo'lchilar”ning ustunligini ko'rsatmoqda. “Lokomotiv” 12 marta g'olib bo'lgan. 4ta  o'yinda durang qayd etilgan. “Metallurg” esa 3ta o'yinda zafar quchgan. To'plar nisbatida ham ustunlik “Loko” tomonida – 33:13 . O'zaro o'yinlarda “Lokomotiv” 40 ochko jamg'argan bo'lsa, “Metallurg” esa 13 ochko yiqqan.

“Lokomotiv”ning o'zaro o'yinlarda qozongan eng yirik g'alabasi – 4:0 ga teng. Bekobodliklarda bu ko'rsatkich 1:0 bo'lib turibdi.

Dastlabki davrada Bekoboddagi bahs taqdirini bitta gol hal qilgan. Ushbu golni “temiryo'lchilar” hujumchisi Ivan Nagaev 47-daqiqada mezbonlar darvozasiga urgandi - 0:1.

Toshkentda o'tgan so'nggi besh uchrashuv:
12.04.2013 Lokomotiv - Metallurg 2:1
21.09.2012 Lokomotiv - Metallurg 5:1
04.06.2010 Lokomotiv - Metallurg 1:0
20.09.2009 Lokomotiv - Metallurg 1:0
25.05.2008 Lokomotiv - Metallurg 1:0

O'zaro o'yinlar haqida fakt : “Lokomotiv” o'z maydonida ushbu raqibga umuman mag'lub bo'lmagan. “Temiryo'lchilar” 8 marta g'olib bo'lishgan va 1 bor durang o'ynashgan. “Metallurg” 2007 yil Toshkentdan bir ochko bilan qaytgandi.