PREVYU. "Dinamo" - "So'g'diyona"

Dinamo (Samarqand) – So'g'diyona (Jizzax)
15 avgust. Samarqand. "Dinamo" stadioni. 17:00
Hakamlar: Z.Qodirov, X.Mirzaahmedov, A.Snetkov, SH.Ro'ziqulov.
Nazoratchi: S.Najafaliev.

Bu ikki jamoaning yo'llari oliy ligada naqd 33 bor kesishgan. Ustunlik “Dinamo” tomonida. O'yinlarning 15tasida samarqandliklarning qo'li baland kelgan. 12ta uchrashuvda esa “So'g'diyona” g'olib chiqqan. Qolgan olti uchrashuvda durang hisobi qayd etilgan. To'plar nisbati “Dinamo” foydasiga. “Arslonlar” shu kunga qadar o'zaro o'yinlarda 52ta gol urib o'z darvozalaridan 36 marta to'p o'tkazib yuborishgan. O'zaro o'inlarda “Dinamo” 51 ochkoni, “So'g'diyona” esa 42 ochkoni qo'lga kiritgan.

“Dinamo” oliy ligada “So'g'diyona” ustidan 4:0 hisobida g'alaba qozongan. Bu o'zaro o'yinlardagi Samarqand klubining eng yirik g'alabasi hisoblanadi. Jizzax klubining o'zaro o'yinlardagi bu raqib ustidan erishgan eng yirik g'alabasi esa 3:1 bo'lib turibdi.

Uchinchi turda “Dinamo” safardan g'alaba bilan qaytgan. Akmal Xolmurodov, Sirojiddin Sayfiev va Zayniddin Tojievning gollariga “So'g'diyona” safida Suxrob Qobilov penaltidan javob bergan xolos – 1:3.

Samarqandda o'tgan so'nggi besh uchrashuv:
14.09.2013 Dinamo - So'g'diyona 1:1
05.11.2011 Dinamo - So'g'diyona 2:0
23.08.2009 Dinamo - So'g'diyona 3:0
07.03.2008 Dinamo - So'g'diyona 0:1
07.10.2005 Dinamo - So'g'diyona 3:2

O'zaro o'yinlar haqida fakt: “So'g'diyona” safarda bu raqibni uch marta mag'lub etgan. “Dinamo” Samarqandda 11 bor zafar quchgan. Faqat bitta uchrashuv durang natijasi bilan tugagan. Oxirgi uchta bahsda Jizzax klubi safarda g'alaba qozona olmagan.