Prevyu. "Bunyodkor" - "Buxoro"

BUNYODKOR – BUXORO
13 sentyabr 2014 yil. Toshkent. "Jar" stadioni. 18:00
Hakamlar: Z.Qodirov, R.Samandarov, O.Jumaev, R.Kopadze
Nazoratchi: G.Imomov.
 
“Bunyodkor” va “Buxoro” oliy ligada 13 bora to'qnash kelishgan. Natijalar “qaldirg'ochlar”ning mutloq ustunligini ko'rsatmoqda.

“Bunyodkor” ushbu raqibni 11 marta mag'lub etgan. “Buxoro” “qaldirg'ochlar”ga qarshi o'yinda ikki bor durang o'ynagan. “Bunyodkor” o'zaro o'yinlarda 32ta gol urgan, “Buxoro” futbolchilari atiga 3 marta toshkentliklar darvozasini ishg'ol etishgan. “Bunyodkor” o'zaro o'yinlarda 35 ochkoga ega bo'lgan, “Buxoro” hisobida 2 ochko bor. “Bunyodkor”ning o'zaro o'yinlarda eng yirik g'alabasi 4:0ga teng. “Buxoro” hisobida g'alaba umuman yo'qligi haqida aytib o'tdik.

Dastlabki davrada Buxoroda o'tgan bahsda durang qayd etilgandi. Vitaliy Plamadelaning goliga bir daqiqa o'tgach Vohid SHodiev javob bergandi – 1:1.

Toshkentda o'tgan barcha uchrashuvlar:
05.05.2013 Bunyodkor - Buxoro 4:0
24.09.2012 Bunyodkor - Buxoro 1:0
20.06.2011 Bunyodkor - Buxoro 3:0
10.05.2009 Bunyodkor - Buxoro 4:0
28.09.2008 Bunyodkor - Buxoro 2:0
01.10.2007 Bunyodkor - Buxoro 2:0

O'zaro o'yinlar haqida fakt: “Bunyodkor” o'z maydonidagi 6ta o'yinning barchasida g'olib bo'lgan. Etiborlisi “Buxoro” Toshkentda ushbu jamoa darvozasiga umuman gol ura olmagan.