Piter Xyuistra: "Paxtakor" O'zbekiston kubogini yuta olmaydi? Balki "Qizilqum" bosh murabbiyi ko'proq narsani bilar"

"Ilk daqiqalardan boshlab xavfli vaziyatlar yaratishga urindik. Raqibga bosim uyushtirish yo'lini topdik. Mezbonlar faqat standart vaziyatlardagina keskinlik yuzaga keltira olishdi. O'yindagi ustunlik to'liq jamoamiz tomonida bo'ldi. Zaxiradan maydonga tushgan futbolchilar ham o'yin suratini saqlab qolishdi.  "Paxtakor"ning  "Lokomotiv" va "Bunyodkor"ga qarshi bahslari doim shiddatli o'tadi. Futbolchilarning harakatlaridan ko'nglim to'ldi",- deydi Piter Xyuistra. 

-"Lokomotiv"dan shu darajada bo'sh o'yin kutganmidingiz?

- Raqib yaxshi o'zing ko'rsatadigan jamoa. Biz ularga himoyadan hujumga o'tish vaqtidayoq bosim uyushtirdik. Bo'sh xududlar bermadik. 

- SHerzod Azamov va Xojiakbar Alijonovning holati haqida nima deya olasiz?

- SHerzod Azamov hali yuz foiz tayyor emas. Xojiakbar Alijonov terma jamoadan jarohat bilan qaytgan. Jamoada 24 nafar futbolchi bor. Ularning har biri imkoniyat olishga haqli. Boyan Matichning so'nggi paytlarda sog'lig'i bilan bog'liq muammosi bor edi. Bugun unga imkoniyat berdik. Lekin oyog'ida biroz og'rig'i bor. 

- Mavsum deyarli yakunlandi. Eng yaxshi va yomon 3ta maydonni ayta olasizmi?

-  "Paxtakor",  "Lokomotiv",  "Nasaf" maydonlari yaxshi holatda. Qolgan maydonlarni ichidan yomonini tanlab olsa bo'ladi. 

- "Qizilqum" bosh murabbiyi ishonch bilan "Paxtakor" bu yil O'zbekiston kubogini yuta olmasligini aytdi. Bunga fikringiz qanday?

- Balki, "Qizilqum" bosh murabbiyi ko'proq narsani bilar. Lekin biz harakat qilamiz.