Pioli nima sababdan Pulishich emas, Jiru darvozabon bo'lganini aytdi

"Faoliyatimda bunday holat umuman bo'lmagandi. Avvalo Pulishich darvozaga turishni istadi, biroq unga bo'yi pastligini aytdik, shu sababli bor masuliyatni Jiru bo'yniga oldi.

O'yin davomida ko'plab qiziqarli holatlar bo'ldi. O'yin og'ir o'tishini bilgandik, biroq oxirigacha turib bera oldik. Bu g'oliblik mentaliteti, xarakteri, kuchi. Futbolchilarimdan mamnunman.

So'nggi 8 o'yinning 5tasini safarda o'tkazdik va ayni paytdagi turnir jadvalidagi holatimizdan mamnunmiz. Biroq hali qilinishi kerak bo'lgan ishlar ko'p, buni qilishga majburmiz.

Jadvalga qarashga hali erta. Skudetto uchun 3-4 jamoa kurashadi, biroq bunday natijalar og'ir holatlardan keyin asqotadi.

"Inter"ga qarshi o'yinda ishlar o'xshamadi, ammo mavsumni qanday bo'lsa, shunday yakunlashga harakat qilamiz. Endi bizni tanaffus kutib turibdi. Ayrim futbolchilar dam olishlari kerak", - dedi Pioli.