"Paxtakor" "Jetisu"dan ustun keldi

Qozog'istonning "Jetisu" klubi bilan maydonga tushgan "Paxtakor" 2:1 hisobida zafar quchdi. Birinchi bo'limda ustunlik ko'proq jamoamiz tarafida bo'ldi. 20-daqiqada Sohibovning zarbasidan keyin to'p darvoza ustunidan qaytdi. 35-daqiqada Oraxovac hisobni ochdi. Adnan yaqindagina "Paxtakor" bilan shartnoma imzolagandi. Birinchi bo'lim oxirida raqib hisobni tenglashtirdi.

Ikkinchi bo'limda jamoamiz tarkibida bir necha o'zgarish amalga oshirildi. 49-daqiqada Andreevning zarbasidan keyin to'p "Jetisu" futbolchisiga tegib, darvoza to'ridan joy oldi. Ushbu natija o'yin oxirigacha o'zgarmadi. Keyingi nazorat bahsini "sherlar" 20 yanvar kuni Rossiyaning "Mordoviya" jamoasiga qarshi o'tkazadi.

"PAXTAKOR" - "JETISU" - 2:1 (1:1)

Gollar: Oraxovac 35, Andreev 49.

"Paxtakor": Ribkin, Merzlyakov, Tojiev (I.Abdullaev, 75), Oraxovac, Hoshimov (Xolmuhammedov, 76), Sohibov (J.Hakimov, 79), Andreev (Maxaradze, 54), Ismatullaev (Kozak, 62), Karimov (Rahmatullaev, 46), Masharipov (Soliev, 66), Pardaev (Olimov, 57).