"Paxtakor" Qatarda ikkinchi mashg'ulotini o'tkazdi

"Al-Garafa" stadioni ichida joylashgan maydonda o'tkazilgan mashg'ulotni futbolchilar Laslo Yambor boshchiligida chigalyozda mashqlar bilan boshlashdi. SHundan keyin SHota Arveladze o'yinchilarni ikki tarkibga ajratgan holda o'yin davomida qo'llaniladigan turli uslublarni qo'llash ustida shug'ullantirdi. Mashg'ulotda Doxaga hozircha etib kelgan 19 nafar futbolchining barchasi ishtirok etdi.

29 yanvar kuni uchrashuv oldidan rasmiy tadbirlar o'tkaziladi. Toshkent vaqti bilan 14:00da o'yindan avvalgi yig'ilish, 15:00da esa matbuot anjumani bo'lib o'tadi. Rasmiy mashg'ulot soat 21:00da boshlanishi mo'ljallangan.