"Paxtakor" - "Metallurg": uchrashuv haqida malumotlar

Tayyorgarlik

Jamoamiz CHempionlar ligasi o'yinidan keyin Toshkentga chorshanba kuni qaytib keldi. Payshanba kuni "Paxtakor" stadionidagi mashg'ulot bilan uchrashuvga tayyorgarlik boshlandi. Kartochkalar tufayli bahsni o'tkazib yuboradigan futbolchilar yo'q. "Metallurg" esa "Obod" bilan o'tgan turdagi bellashuvdan so'ng hozirlik uchun ko'proq vaqtga ega bo'ldi.

Qarama-qarshilik

Oliy ligadagi 36 o'yinning 29tasida "Paxtakor", 3tasida bekobodliklar zafar quchgan. 4 bahs durang bilan tugagan. Jamoamiz 98 gol urib, 28 to'p o'tkazib yuborgan. Toshkentdagi 18 bellashuvning 16tasida "sherlar" g'olib bo'lgan. Ikki uchrashuvda tomonlar durang qayd etishgan.

O'yin rasmiylari

Uchrashuvni Vadim Agishev boshchiligidagi hakamlar boshqaradi. Agishev hozirgacha oliy ligada "Paxtakor"ning 6 bahsini boshqarib borgan. Ularda jamoamiz 3 g'alaba, 1 durang va 2 mag'lubiyatni qayd etgan.

"PAXTAKOR" - "METALLURG"
Hakamlar: Vadim Agishev (Toshkent), Ravil SHoyaxmetov (Toshkent), Vladlen Lushin (Guliston), Ahmad Ergashev (Toshkent).
Nazoratchi: Igor Nexochin (Namangan).
O'zPFL vakili: Abror Qodirov.

CHiptalar
Uchrashuvga chiptalarni "Paxtakor" stadioni kassalaridan 5 va 15 ming so'mdan xarid qilishingiz mumkin. Yoshlar tarkiblari bahsi 24 aprel, yakshanba kuni 16:30da Qibraydagi stadionda boshlanadi. Asosiy jamoalar esa 25 aprel kuni "Paxtakor" stadionida 18:30da o'yinni boshlashadi.