"Paxtakor" - "Lokomotiv". Prevyu
28 sen 2016 08:36
Yangiliklar
11 karra mamlakat chempioniga aylanib ulgurgan "Paxtakor" 24-turda oxirgi ikki mavsumda chempionlik uchun kurashda aynan jamoamizdan engilgan "Lokomotiv"ni qabul qiladi. Jamoalar uchrashuvga yo'qotishlarsiz etib kelishmoqda. Bu esa o'yinning yanada keskin o'tishini taminlashi, shubhasiz. "Loko" tarkibida "Paxtakor"ning ko'plab sobiq futbolchilari to'p tepayotganini barcha yaxshi biladi.
Qarama-qarshilik
Jamoalar hozirgacha oliy ligada 23 bellashuvda maydonga tushishgan. Ularning 15tasida "Paxtakor" ustun kelgan. 3 bahs raqib yutug'i bilan tugagan bo'lsa, 5 bor durang natija kuzatilgan. "SHerlar" 54, "temiryo'lchilar" 20 bor to'p kiritishgan. O'z maydonimizdagi bellashuvlarda 8 g'alaba, 2 durang va 1 mag'lubiyat qayd etilgan. Bu tarafdan yaqqol ustunlik "Paxtakor" tarafida.
O'yin rasmiylari
Uchrashuvni Ravshan Ermatov boshchiligidagi hakamlar guruhi boshqarib boradi. Birinchi davradagi bellashuvda ham aynan ushbu hakamlar ishlashgandi.
"PAXTAKOR" - "LOKOMOTIV"
Hakamlar: Ravshan Ermatov (Toshkent), Abdulhamid Rasulov (Toshkent), Jahongir Saidov (Toshkent), Jasur Muxtorov (Toshkent).
Nazoratchi: Igor Nexochin (Namangan).
O'zPFL vakili: G. Rtveladze.
Asosiy jamoalar bahsi 28 sentyabr, chorshanba kuni 18:30da "Paxtakor" stadionida start oladi. Ishqibozlarni muhim uchrashuvda jamoamizni qo'llab-quvvatlashga chaqiramiz. CHiptalar stadion kassalarida 5 va 15 ming so'mdan sotilmoqda.
O’xshash yangiliklar
![AMP Logo](https://championat.asia/image/logo-amp.png)
Fikrlar