"Paxtakor": Igor Sergeev BAA klubiga o'tdi

Jismoniy tayyorgarlik bo'yicha murabbiy Andrey SHipilov faoliyatini Bekobodning "Metallurg" jamoasida bosh murabbiy sifatida davom ettiradi. "Paxtakor" tizimida uzoq yillar ishlab kelgan Andrey Sergeevichga yangi klubi va ishida muvaffaqiyatlar yor bo'lishini tilaymiz.

Yarim himoyachi SHerzod Karimov 2008 yildan beri jamoamiz sharafini himoya qildi. U oliy ligada 178 uchrashuvda 24 gol urishga erishdi. Uch bor mamlakat chempioniga aylanib, ikki marta O'zbekiston Kubogida g'alaba qozondi.

Hujumchi Igor Sergeev 2009 yil "Paxtakor" tarkibiga kelib qo'shilgandi. SHu davr oralig'ida 121 bellashuvda 64 to'p kiritishga erishdi. Igor faoliyatini BAAning "Al-Dafra" klubida davom ettiradigan bo'ldi. Sergeev ham uch bor mamlakat chempionatida oltin medallarga ega chiqdi.

2018 yilni yangi jamoalarda boshlaydigan Andrey SHipilov, SHerzod Karimov va Igor Sergeevga "Paxtakor" futbol klubi nomidan omad tilaymiz. Ularga o'tgan yillar mobaynida jamoa g'alabalariga qo'shgan hissasi uchun minnatdorchilik bildiramiz. Barchasi uchun rahmat!