"Paxtakor" BAAda: 7-kun

Bir kun oldin "Al-Hamriya"ga qarshi bellashuvda 90 daqiqa o'ynagan futbolchilar sport zalida Laslo Yambor bilan mashg'ulot o'tkazishdi. Ular tiklanishga qaratilgan mashqlarni bajarishdi. Qolgan o'yinchilar va darvozabonlar esa maydonda shug'ullanishdi. Odatdagidek engil mashqlar bilan qizishib olgach, futbolchilar turli taktik ko'rsatmalar ustida ishlashdi. Kichik hududda to'pni bir-biriga aniq etkazib berish, bosim uyushtirish, tezkor hujum tashkil etish va uni zarba bilan yakunlash singari jihatlarda mehnat qilindi. Mashg'ulot yakunida futbolchilar uzoq masofalarga to'p oshirish borasida mahoratini sayqallashtirdi.

Engil jarohati sababli bir necha kun alohida shug'ullangan Marko Simich umumiy guruhga qaytdi.

"Paxtakor" BAAdagi uchinchi nazorat o'yinini 23 fevral kuni Ummonning "SHabab" jamoasiga qarshi Al-Aynda o'tkazadi. Uchrashuv Toshkent vaqti bilan 18:00da boshlanadi.