O'zbekistonning 2013 yildagi eng yaxshi o'yinchisi va murabbiyi uchun ovoz berish jarayoni boshlandi

O'zbekistonning 2013 yildagi eng yaxshi futbolchisi va murabbiyi uchun ovozlar 2013 yil 5 dekabr, payshanba kuni, soat 18:00gacha qabul qilinadi. Ovoz berish jarayonida 2013 yil davomida musobaqalar uchun O'FFda akkreditaciyadan o'tgan barcha OAV hodimlari va jurnalistlar ishtirok etishlari mumkin.

Takidlash joiz, so'rovnomada ishtirok etishi mumkin bo'lgan barcha OAV hodimlari va jurnalistlar O'zbekiston va xorijda faoliyat olib borayotgan o'zbekistonlik futbolchi va murabbiylarga ovoz berishlari mumkin bo'ladi. OAV xodimlari ovoz berish jarayonida uch nafar futbolchi va uch nafar murabbiyga ketma-ketlik tartibi bo'yicha ovoz berishlari mumkin.

Futbolchi va murabbiylar uchun berilgan ovozlar quyidagi tartibda hisoblanadi:
 1-o'rin uchun – 3 ball
 2-o'rin uchun – 2 ball
 3-o'rin uchun – 1 ball

OAV xodimlari o'z ovozlarini O'FF Matbuot xizmatining elektron pochtasiga (media@the-uff.com) jo'natishlari lozim. Ovozlar 2013 yilning 5 dekabr kunigacha qabul qilinadi.