O'zbekiston-U22 "Qo'qon-1912"ga mag'lub bo'ldi

Nazorat uchrashuvidagi raqib O'zbekiston-U22 terma jamoasi bo'ldi. O'yinda qo'qonliklar kichik hisobda g'alaba qozonishdi.

Bahs kutilganidek qo'qonlik futbolchilarning hujumlari bilan boshlandi. Ana shunday hujumlarning birida, aniqrog'i, 19-daqiqada olimpiyachilar jarima maydonchalari ichida qo'qonlik futbolchiga nisbatan ko'polik ishlatishdi. Natijada bosh hakam penalti belgiladi. Penaltini esa "Qo'qon-1912"ning yangi azosi Anvar Hojimirzaev aniq amalga oshirib, hisobni ochdi.

31-daqiqada yana o'sha tinib-tinchimas Hojimirzaev raqib darvozasini ishg'ol etdi. O'ng qanotdan Muhammadanas Hasanov darvoza tomon zarba yo'llagan edi. To'p yo'l-yo'lakay Hojimirzaevga tegib raqib darvozasidan o'rin oldi. Jamoalar tanaffusga shu hisobda chiqib ketishdi.

Ikkinchi bo'lim ham qo'qonliklarning faolligi bilan boshlandi. 68-daqiqada Merzlyakov-Norbekov-Azimov kombinaciyasi gol bilan tugashi mumkin edi. Azimovning zarbasini darvozabon arang qaytarishga ulgurdi. 76-daqiqada hisobni qisqardi. Humoyunmirzo Iminov jarima zarbasini qoyilmaqom tarzda ijro etdi. Qolgan daqiqalarda jamoalar qancha urinishmasin, hisobni o'zgaritish hech kimga nasib etmadi.

Nazorat uchrashuvi.
O'zbekiston-U22 - "Qo'qon-1912" - 1:2
Gollar: Humoyunmirzo Iminov (76) - Anvar Hojimirzaev (19 penalti,31).
“Qo'qon-1912”: Eldor Adxamov, Ilxom Vahobov, Bobur Akbarov, Avazxon Mamatxo'jaev, Slavko Lukich, Iqbol Malikjonov, Sardor Azimov, Sardor Etovqo'ziev, Anvar Hojimirzaev, Muhammadanas Hasanov, Andrey Sidorov.
Zaxira: Muzaffar Abdullaev, Xurshid Xo'jaev, Ivan Yosovich, Aleksandr Merzlyakov, Farhod Bekmurodov, SHohnazar Norbekov, Mo'min Meliev, Jamshid Rahmatullaev, Bekzod Hoshimov.