O'zbekiston terma jamoasini kim boshqarishi aniq
06 fev 2018 13:45
Yangiliklar
![](https://championat.asia/upload/storage/304886_original.jpg)
![](/upload/storage/304886_220.jpg)
O'zbekiston terma jamoasini kim boshqarishi aniq
Rejaga ko'ra, Umid Ahmadjonov bugun muzokara o'tkazish uchun uchib ketishi ko'zda tutilgandi. Biroq orada MOQ prezidenti etib tayinlangan Umid Ahmadjonov xorijlik murabbiy bilan uchrashuvni biroz kechiktirishiga to'g'ri keldi.
Xabaringiz bor, 9-25 fevral kunlari Janubiy Koreyaning Pxenchxan shahrida XXIII qishki Olimpiya o'yinlari o'tkaziladi. SHu munosabat bilan Umid Ahmadjonov boshchiligidagi Olimpiadada ishtirok etadigan sportchi, murabbiy va rasmiy shaxslardan iborat O'zbekiston sport delegaciyasi Janubiy Koreyaga jo'nab ketadi.
O'FA birinchi vice-prezidenti Umid Ahmadjonovning saytimiz xodimi SHahboz Beg'amovga malum qilishicha, xorijlik murabbiy bilan og'zaki kelishuv amalga oshgan. Barcha masalalar bo'yicha kelishib olingan. Yaqin orada terma jamoamizning bo'lajak murabbiyi bilan uchrashish uchun Ahmadjonov xorijga yo'l oladi.
Umid Ahmadjonov bu borada muxlislar ortiqcha havotir olmasliklarini so'radi va muzokaraning yakuniy bosqichi nima uchun cho'zilib ketganini aytdi.
"Championat.asia" xodimi SHahboz Beg'amovning ishonchli manbasiga ko'ra, O'zbekiston terma jamoasini portugaliyalik tajribali mutaxassis Karlos Keyrush boshqaradi. Bu haqda saytimiz orqali avval ham elon qilgandik. Ayni paytda Eron bosh murabbiyi bo'lib turgan Keyrush jamoasini Jahon chempionatiga tayyorlayotgani bois bu haqda rasman elon qilinmayapti.
Demak, O'zbekiston terma jamoasining bo'lajak murabbiyi portugaliyalik mutaxassis Karlos Keyrush bo'ladi.
O’xshash yangiliklar
![AMP Logo](https://championat.asia/image/logo-amp.png)
Fikrlar