O'zbekiston - Qirg'iziston uchrashuviga "Rostov"ning sobiq rahbari, ayni paytda agentlik bilan shug'ullanayotgan Yuriy Belous tashrif buyurdi va o'zbek futbolchisini kuzatdi
12 noy 2019 12:18
Yangiliklar

O'zbekiston - Qirg'iziston uchrashuviga "Rostov"ning sobiq rahbari, ayni paytda agentlik bilan shug'ullanayotgan Yuriy Belous tashrif buyurdi va o'zbek futbolchisini kuzatdi

Teglar : O'zbekiston "Bunyodkor"Xurshid G'iyosov Transfer

Toshkentda bo'lib o'tgan O'zbekiston hamda Qirg'iziston o'rtasidagi o'rtoqlik o'yinida rossiyalik agent tashrif buyurdi.

Malumotlarga ko'ra, rossiyalik agent Yuriy Belous mazkur o'yinda terma jamoamiz safida harakat qilgan "Bunyodkor" yarim himoyachisi Xurshid G'iyosovning harakatlarini kuzatgan.

Yuriy Belousning feysbukdagi sahifasida terma jamoamiz bosh murabbiyi Vadim Abramov hamda sobiq terma jamoalar markazi boshlig'i Asqar Tolibjonov bilan yuklagan surati ham mavjud.

Yuriy Belous Futbol Market kompaniyasi direktori lavozimida ishlab keladi. SHuningdek, malum vaqt "Rostov" klubi bosh direktori, "Lokomotiv" klubida vice-prezident hamda "Moskva" va "Torpedo" jamoalarida rahbarlik qilgan. Ayni damda esa futbol agenti sifatida faoliyat ko'rsatmoqda.

Agarda Yuriy Belousga Xurshid G'iyosovning harakatlari maqul kelgan bo'lsa, unda G'iyosov tez orada Rossiya klublarida paydo bo'lib qolish ehtimoli mavjud.

Qayd etish kerakki, Xurshid G'iyosov Qirg'izistonga qarshi o'yinda boshlang'ich tarkibda o'ynadi va uchrashuvning 70-daqiqasida zaxiraga olindi.

Havola :

Manba : championat.asia

Yangiliklarni Telegramda o'qing!

Reyting: +38