O'zbekiston OTJ Toshkentdagi yig'inni yakunladi

Murabbiylar shtabi mazkur yig'in davomida terma jamoaga nomzod futbolchilarni yana bir bor sinovdan o'tkazib olishdi. Futbolchilarning jismoniy holatini yaxshilash maqsadida, maydondagi mashg'ulotlardan tashqari trenajer zallarida ham mashg'ulotlar olib borildi. Kecha olimpiya terma jamoasining Toshkentdagi yig'ini yakuniga etdi.

O'zbekiston futbol associaciyasi Terma jamoalar departamenti direktori SHarofiddin Hojiniyozov yig'indan keyin terma jamoa azolari va murabbiylar shtabi bilan uchrashuv o'tkazdi. Uchrashuv davomida Toshkentdagi yig'in davomida Olimpiya terma jamoasi asosini shakllantirish borasida amalga oshirilgan chora-tadbirlar bo'yicha murabbiylar hisoboti tinglandi hamda kelgusi rejalar haqida gaplashildi.

Jumladan, O'zbekiston olimpiya terma jamoasi uchun yanvar oyida yana bir yig'in tashkil etiladi. Mazkur yig'in 4-25 yanvar kunlari o'tkazilib, yig'in davomida Olimpiya terma jamoasi futbolchilarining jismoniy holatini yaxshilash borasida ish olib boriladi.