O'zbekiston o'smirlar terma jamoasi "CHig'atoy"da yig'in o'tkazmoqda

Bu haqida O'FA rasmiy sayti xabar berdi.

Jamoa bosh murabbiyi Azamat Abduraimov yig'in davomida 50 nafarga yaqin futbolchilarni ko'zdan kechirishni maqsad qilgan.

Yig'inning dastlabki kunlarida terma jamoada hali o'yin o'tkazmagan, avvalgi yig'inlarda ishtirok etmagan futbolchilar qatnashishdi. Ular 6 dekabr "Spartak" (Toshkent)ning 2004 yilda tavallud topgan futbolchilariga qarshi nazorat o'yini o'tkazib, 1:1 hisobida durang qayd etishdi.

Yig'inning ikkinchi qismida O'zbekiston o'smirlar terma jamoasining asosiy tarkib futbolchilar qatnashadi. Ular yig'in davomida ikkita nazorat uchrashuvida maydonga tushishi rejalashtirilgan.

Yig'in 10 dekabrga qadar davom etadi.