O'zbekiston - KXDR. Stadionda muhit ajoyib

Futbolchilarimiz dastlabki turda KXDR termasiga qarshi maydonga tushishadi. Jamoamiz hozirgina o'yinoldi mashg'ulotlarini tugatdi. Sidneydagi eng katta stadionda muhit juda ajoyib. Ob-havo ham yaxshi, albatta, kutilmaganda yomg'ir yog'ib qolish ehtimoli ham yo'q emas.

Biz joylashgan media-tribunada ko'pchilik jurnalistlar yig'ilgan. O'zimiznikilardan tashqari bu erda OFK rasmiy sayti xodimlari, shuningdek, Sidneyning o'zidan turli gazeta, jurnal hamda saytlar xodimlari, qolaversa, Xitoy, Koreya, BAAdan kelgan jurnalistlar ham bor.

O'yindan oldin bu erda faoliyat olib borayotgan ko'pchilik hamkasblar bilan gaplashganimizda hamma O'zbekistonning g'alabasiga ishonayotganini aytdi. Stadionda ishqibozlar sonini ko'p deb bo'lmaydi, lekin stadionning o'zi nihoyatda katta ekanligini ham unutmaylik. Mahalliy telekanal xodimlari va fotomuxbirlar o'zbekistonlik futbol ishqibozlari joylashgan tribunaga yaqin borib, ularni suratga tushirishdi. Satajdionda o'yin-kulgu davom etmoqda. Birozdan keyin esa o'yin boshlanadi va barchamiz birgalikda O'zbekiston - KXDR bahsini kuzatamiz.

X.Xoliqov
Sidney, Avstraliya.