So’nggi yangiliklar

10:37Суперлигада ўйнаши кутилаётган «Хоразм»нинг йиғинида бир қатор тажрибали футболчилар иштирок этмоқда  0 09:43«Ливерпуль» Трент Александер-Арнольднинг ўрнига бошқа бир ТОП футболчи билан шартнома тузмоқчи  1 09:04Расман: «Қўқон-1912» жамоаси тарбияланувчисини ортга қайтарди  2 08:39«Олтин тўп» соҳиби Саудия Арабистони клубида иш бошлади  0 08:04«Бунёдкор» дарвозабони «Динамо» машғулотларига қўшилди  3 07:30«Вест Хэм» янги бош мураббийи ким бўлиши маълум  3 03:10Лига кубоги. "Тоттенхэм" ярим финалнинг илк учрашувида "Ливерпуль"ни мағлубиятга учратди  4 02:00"Барселона" "Атлетик"ни мағлубиятга учратиб, Испания Суперкубоги финалига йўл олди!  45 00:33ОКМК клубга келганидан бери бирор марта майдонга тушмаган Сардор Мирзаев билан шартномани узайтирди  4 00:00Клублар нима сабабдан ёш ўйинчиларни сотишдан кўпроқ даромад олишади?  0 23:49"Қандай ҳолатда бўлмайлик, мухлислар биздан чемпионликни кутишади" – Жаҳонгир Ортиқхўжаев "Пахтакор"нинг Туркиядаги йиғинларига ташриф буюрди  8 23:24Расман: "Барселона"га Дани Ольмо ва Викторни рўйхатдан ўтказишга рухсат берилди  5 22:33Ламин Ямал "Барса" билан янги шартнома имзолаш ҳақида гапирди  2 22:05"Пахтакор" Туркиядаги назорат ўйинида Руминия клубини мағлуб этди  6 21:37"Манчестер Юнайтед" ўз вингери билан янги шартнома имзолайди  2

O'zbekiston Kubogi. Finallar tarixidan Yangiliklar

O'zbekiston Kubogi. Finallar tarixidan

Bugundan boshlab, “Nasaf” PFK rasmiy sayti O'zbekiston Kubogi finaliga oid malumotlarni, xabar va yangiliklarni berib boradi.

O'zingizga malum, 30 noyabr chorshanba kuni Samarqand shahridagi “Dinamo” stadionida O'zbekiston Kubogi-2016ning final uchrashuvi bo'lib o'tadi. Unda “Nasaf” jamoasi “Bunyodkor”/”Lokomotiv”  jamoalari juftligining g'olibi bilan kuch sinashadi.

Bu yil o'zbek futboli tarixidagi XXIV O'zbekiston Kubogi final uchrashuvi bo'lib o'tadi. O'zbekiston Kubogi musobaqasi 1992 yildan boshlab o'tkazila boshlangan. Ilk finalchi “Navbahor” va “Temiryo'lchi” jamoalari bo'lishgan. Mazkur o'yin Samarqand shahrida o'tkazilgan. Namanganning “Navbahor” jamoasi O'zbekiston Kubogining ilk sohibi hisoblanadi. Oradan 23 yil o'tib, Samarqand shahri yana final uchrashuviga mezbonlik qilmoqda.

O'zbekiston Kubogining amaldagi egasi Qarshining “Nasaf” jamoasi hisoblanadi.

O'zbekiston Kubogi finaliga oid faktlar


SHu paytgacha O'zbekiston Kubogini mamlakatimizning etti jamoasi qo'lga kiritgan.


“Paxtakor” – 11 marta (1993, 1997, 2001/02, 2002/03, 2003, 2004, 2005, 2006, 2007, 2009, 2011 yillar)

“Bunyodkor” – 4 marta (2008, 2010, 2012, 2013 yillar)

“Navbahor” – 3 marta (1992, 1995, 1998 yillar )

“Neftchi” – 2 marta (1994, 1996 yillar)

“Do'stlik” – 1 marta (1999/00  yil)

“Lokomotiv” – 1 marta (2014 yil)

“Nasaf” – 1 marta (2015 yil)

Eng ko'p finalga mezbon bo'lgan stadion: “Paxtakor”  markaziy stadioni – 18 marta. 2014 yildan buyon finallar boshqa stadionlarda o'tkazilmoqda.

Eng ko'p tomoshabin kirgan final: “Do'stlik” – “Samarqand” (30000 tomoshabin) 1999/2000 yillar

Eng ko'p gol urilgan o'yin: “Paxtakor” – “Neftchi” 6:3 (qo'shimcha vaqtda) 2001/2002 yillar

Eng kam gol urilgan uchrashuvlar: “Navbahor” – MHSK (1:0), “Paxtakor” – “Neftchi” (1:0), “Paxtakor” – “Bunyodkor” (1:0), “Bunyodkor” – “SHo'rtan” (1:0), “Lokomotiv” – “Bunyodkor” (1:0).

Kubok finallarida 3 marta penaltilar seriyasiga, 4 bor qo'shimcha vaqtlarga murojaat qilingan. Finallarda jami 62 marta to'p darvozalarga kiritilgan (penaltilar seriasidan tashqari). Final uchrashuvlariga jami 287 048 tomoshabin tashrif buyurgan.

O'zbekiston Kubogi finallari tarixidagi eng so'nggi gol muallifi – SHerzod Azamov hisoblanadi (“Nasaf”).

O'zbekiston Kubogi finallarini eng ko'p boshqargan hakam


O'zbekiston Kubogi final uchrashuvlarini eng ko'p boshqargan hakam Ravshan Ermatov hisoblanadi. Ravshan Ermatov shu paytgacha 2010, 2011, 2012, 2013, 2015 yillardagi final uchrashuvlarini boshqargan. Ravshan Ermatovgacha finallarda ko'p ishlagan hakamlar ikkita bo'lgan, Gali imomov (4 marta) va Noil Lutfullin (4 marta)

Berdiev uchun murabbiy sifatida to'rtinchi final


“Nasaf” klubi uchun navbatdagi final o'z tarixidagi oltinchisi bo'ladi. Ro'ziqul Berdiev esa bosh murabbiy sifatida o'z jamoasini finalda to'rtinchi marta (2012, 2013, 2015, 2016 yillar) maydonga olib tushadi. 2003 yilda bo'lib o'tgan “Nasaf” ishtirokidagi finalda Ro'ziqul Berdiev jamoaning sardori sifatida maydonda harakat qilgan. 2011 yildagi finalda esa, yordamchi murabbiy bo'lgan.

Reyting: +8   

Fikrlar

championat.asia
< so’nggi yangiliklarni ko’rish
Яндекс.Метрика