So’nggi yangiliklar

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

O'zbekiston Kubogi. Birinchi o'yindan keyin "Loko" masalani hal qildimi? Yangiliklar

O'zbekiston Kubogi. Birinchi o'yindan keyin "Loko" masalani hal qildimi?

Kecha TTZdagi "Lokomotiv" stadionida O'zbekiston Kubogining 1/2 finalidan o'rin olgan dastlabki bahs bo'lib o'tdi.

"Lokomotiv" va "Nasaf" o'rtasida kechgan o'yinda "temiryo'lchilar" 3:1 hisobida g'alaba qozonib final sari katta qadam tashlashdi. Lekin "Nasaf"da ham imkoniyat yo'q emas, agar qarshiliklar uyda 2:0 hisobida zafar quchishsa marra ularniki bo'ladi. Lekin bugungi kunda "Loko"ning shu hisob bilan mag'lub bo'lishiga ishonish qiyin. CHunki jamoa ayni paytda O'zbekistondagi eng kuchli klub bo'lib turibdi. 

O'yin 3:0 tugaganida nima bo'lardi? 

Agar hakam tomonidan qo'shib berilgan daqiqalarda Dragan CHeran gol urmaganida o'yin 3:0 hisobida yakun topardi va javob bahsida "Nasaf"ga juda qiyin bo'lardi. Buni o'yindan keyingi matbuot anjumanida Ro'ziqul Berdiev ham aytib o'tdi. Lekin CHeranning gol urishi javob o'yiniga bo'lgan intrigani saqlab qoldi. Agar SHorahmedovning to'p uzatishidan so'ng SHahboz Erkinov ham gol urganida bormi, ana unda ko'rardik javob bahsida nimalar ro'y berishini. 

Tarkibdagi o'zgarishlar 

Ikkala jamoa ham bungacha qiyin o'yinni o'tkazdi. "Lokomotiv" chorak finalning javob o'yinida "Buxoro"ni faqat qo'shimcha bo'limlarda mag'lub etgan bo'lsa, "Nasaf" safarda "Qo'qon-1912"ga 0:2 hisobida yutqazayotib bir amallab durang qayd eta oldi. Agar o'sha o'yinda Qo'qon jamoasi 3:0 hisobida g'alaba qozonganida yarim finalda "Loko"ning raqibi "Nasaf" bo'lmasdi. 

Ikkala jamoa ham boshlang'ich tarkibda bir nechta o'zgarish bilan o'yinni boshladi. "Lokomotiv" asosiy tarkibda avvalgi o'yinga nisbatan uchta o'zgarish bilan maydonga tushdi. SHerzod Fayziev chap qanotda Oleg Zoteev o'rnini egallagan bo'lsa, Masharipov zaxirada qoldirildi va uning o'rnini o'ng qanotda Bikmaev egalladi. Natijada Murod Bobojonov yaqqol hujumchi sifatida harakat qildi. SHuningdek, Timur Kapadze ham zaxirada qoldi va markaziy yarim himoyada Kaxi Maxaradze to'p tepdi. Himoya markazida esa Kone harakat qildi. 

"Nasaf" esa o'yinni to'rtta o'zgarish bilan boshladi. Avvalgi bahsda to'liq harakat qilgan Maqsud Karimov bu safar zaxirada qoldirildi. SHuningdek, SHahboz Erkinov, Islom Kenjaboev va Dilshod Rahmatullaevlar ham zaxira o'rindig'idan joy olishdi. Ularning o'rnini boshlang'ich tarkibda Igor Golban, Odil Hamrobekov, Doniyor Narzullaev va Jasur Hasanov egallashdi. 


Jarima zarbasi va tezkor gol 

16-daqiqada Marat Bikmaev juda chiroyli zarbasi bilan jarima to'pidan hisobni ochdi. Va aytish mumkinki, bu "Nasaf"ga berilgan birinchi zarba bo'ldi Vaholanki, qarshiliklar bungacha ikki bor qulay imkoniyatga ega bo'lishgandi. O'tkazib yuborilgan goldan keyin ham "Nasaf" o'zini yo'qotib qo'ymadi. SHu kuni mehmonlar safida Aziz G'aniev, Bahrom Abdurahimov, Akmal SHorahmedov, Igor Golban singari futbolchilar ajralib turishdi. 

Ikkinchi taym boshidayoq "Loko" hisobni 2:0ga etkazdi. CHap qanotdan uzatib berilgan to'pga avvaliga Bikmaev zarba berdi, darvozabon Sanjar Quvvatov to'pni qaytardi, biroq qaytgan to'pga Murod Bobojonov bosh bilan zarba berib gol urdi. Bu "Nasaf" uchun ikkinchi zarba bo'ldi va shundan keyin mehmonlar o'yin tezligini pasaytirib yuborishdi. Ro'ziqul Berdiev o'yinni kuchaytirish maqsadida zaxiradan SHahboz Erkinov bilan Islom Kenjaboevni tushirdi. Kenjaboev hartugul nimadir qilishga harakat qildi. Erkinov maydonga tushganidan so'ng birinchi qilgan ishi oradan uch daqiqa o'tib sariq kartochka ishlash bo'ldi. 

87-daqiqada Bikmaev yana to'p kiritib dubl muallifi bo'ldi. Unga Maxaradze to'pni bosh bilan chiroyli tarzda etkazib berdi. Aytish mumkinki, bu o'yinda "temiryo'lchilar" safida Marat Bikmaev bilan ayniqsa Kaxi Maxaradze ancha ajralib turishdi. SHuningdek, darvozabon Ignatiy Nesterov ham o'z o'rnida yaxshi harakat qildi. 90+2-daqiqada CHeran tomonidan kiritilgan gol esa hisobning biroz qisqarishiga zamin yaratdi. 

O'yindan xulosa

Albatta, Kubok bahslarida birinchi o'yinda 3:1 hisobida zafar quchgan jamoa juda qulay imkoniyatga ega bo'ladi. Lekin oldinda javob uchrashuvi bor va unda nimalar bo'lishini bilmaymiz. Eng achinarlisi, javob o'yinining qachon bo'lib o'tishi hali malum emas. Ungacha klublar ikkinchi davra uchrashuvlarini o'tkazib turishadi. 

Aytib o'tganimizdek, "Nasaf"ni javob bellashuvida 2:0 hisobi ham qoniqtiradi, biroq raqib anoyilardan emas. Hozirgi "Lokomotiv"dan shu hisobda mag'lub bo'lib Kubok bahslaridan chiqib ketishini kutish qiyin. CHunki jamoa ajoyib tarkib, mustahkam himoya va o'tkir hujumga ega. "Lokomotiv" qarshi hujumda ham, shundoq hujumda ham kuchli. Qolaversa, futbolchilar mahorati ham baland. SHu tomondan olib aytganda, "Nasaf" garchi o'z maydonida o'ynagani bilan qarshiliklarga Qarshida oson bo'lmaydi.

X.Xoliqov. 


Reyting:    

Fikrlar

championat.asia
< so’nggi yangiliklarni ko’rish
Яндекс.Метрика