Osiyoning 11 mamlakati vakillari OFK qarorgohida uchrashdi
23 avg 2023 12:40
Yangiliklar

Osiyoning 11 mamlakati vakillari OFK qarorgohida uchrashdi

Qitada klublar miqyosidagi futbolni yangi darajaga olib chiqish maqsadida Osiyo futbol konfederaciyasi Professional futbol bo'yicha maxsus ishchi-guruhni tashkil qildi.

Yangi tashkil qilingan Professional futbol bo'yicha OFK ishchi-guruhi raisi etib yaqin o'tmishning mashxur futbolchisi, koreyalik Park Ji Sung tayinlandi. Uning azolari safidan Yaponiya, Qatar, Saudiya Arabistoni, Xitoy, Hindiston, Singapur, Tailand, Vetnam, BAA hamda O'zbekiston vakillari o'rin oldi.

Malayziya poytaxti Kuala Lumpurdagi OFK bosh qarorgohida o'tgan Professional futbol bo'yicha ishchi-guruhining ilk yig'ilishida O'zbekiston nomidan O'zPFL bosh direktori Diyor Imomxo'jaev ishtirok etdi.

Unda qitaning klublar miqyosidagi musobaqalari islohoti, legionerlarga taqiq olib tashlanishidan keyingi mahalliy futbolchilar tarbiyalashni rag'batlantirish tizimini ishlab chiqish, shuningdek, OFK Licenziyalash reglamentiga qo'shimchalar kiritish, OFKning Professional futbol bo'limi tuzilmasini qaytadan shakllantirish kabi masalalar ko'rib chiqildi.