Osiyo Kubogini chorak finalda tark etdik

Janubiy Koreya - O'zbekiston 2:0
22 yanvar 2015. Melburn. "Melburn" stadioni
Gollar: Son Xen Min104, - 1:0.Son Xen Min 118, - 2:0.
Janubiy Koreya: 23.Kim Jin Xyon, 2.Kim CHang Su (22.CHa Du Ri, 68), 3.Kim Jin Su, 5.Kvak Tae Xvi, 6.Park Ju Xo, 7.Son Xen Min, 10.Nam Tae Xi, 11.Li Kun Xo (20.Jang Xyun Su, 110), 16.Ki Sun Yung, 18.Li Jeong Xyop (14.Xan Kuk Yung, 80), 19.Kim Yung Gvon.
Zaxiradagilar: 1.Jung Sung Ryong, 4.Kim Ju Yung, 8.Kim Min Vu, 9.CHu Yong CHol, 12.Xan Kyo Von, 15.Li Myung Ju, 21.Kim Seung Gyu.

O'zbekiston: 12.Ignatiy Nesterov, 3.SHavkat Mullajonov, 4.Sardor Rashidov, 5.Anzur Ismoilov, 6.Bahodir Nasimov, 7.Azizbek Haydarov, 9.Odil Ahmedov (18.Timur Kapadze, 28), 13.Lutfulla To'raev (10.Jamshid Iskanderov, 84), 14.SHuhrat Muhammadiev, 17.Sanjar Tursunov (11.Igor Sergeev, 105), 19.Vitaliy Denisov
Zaxiradagilar: 1.Eldorbek Suyunov, 2.Egor Krimec, 8.Server Jeparov, 15.Jasur Hasanov, 16.Vohid SHodiev, 21.Akbar To'raev, 22.Farruh Sayfiev, 23.Akmal SHorahmedov.

Ogohlantirishlar: Kvak Tae Kvi 56, Vitaliy Denisov 57, Anzur Ismoilov 84, Ki Sun Yung 114.

 
                                   MATNLI TRANSLYACIYA
                                               YANGILASH

120. Uchrashuv yakunlandi. O'zbekiston musobaqani chorak finalda tark etadi. Barcha barchaga rahmat, yigitlarga alohida rahmat. Keyingi o'yinlarda Koreyani albatta mag'lub etasizlar! Asosiysi shunday ishlashda davom etinglar! 

119. O'yin taqdiri hal bo'ldi. Lekin yigitlar bu o'yin bilan bunday mag'lubiyatga haqli emasdilar. O'yinni ko'rganlar buni tasdiqlashadi. Koreya klass borasida g'alaba qozondi.

119. CHa Du Ri o'ng qanotdan oldinga o'tdi va sherigiga to'pni oshirdi, Son Xen Min osonlik bilan darvozani ishg'ol qildi - 2:0.

117. GOL! 2:0! Son Xen Min!

116. Koreyslar butun tarkib bilan himoyada, gol urish kerak yigitlar!!!!

114. Iskanderov o'ng qanotdan to'pni jarima maydoni ichiga uzatdi, burchak to'pi ishladik. Zarba yo'qqqqq

113. Ogohlantirish. Janubiy Koreya. Ki Sun Yung

113. Ki Sun Yung maydonda yotibdi, uning oyog'ining tomiri tortishib qoldi. SHu erdan to'g'ri shifoxonaga olib ketilsa kerak... ko'rnishidan ahvoli juda yomondek, kutilmaganda u o'rnidan turib ketdi...

112. Iskanderov Haydarovga to'pni uzatdi, Aziz esa to'pni hujumchilarga oshirish o'rniga zarba berib yubordi...

111. Sergeeeeeeeeeeeeev! Jarima maydoni ichida to'pni darvozaga yo'llay olmadi. Burchak to'pidan keyin ham vaziyat tashkil etildi! Darvozaga zarba yo'q!

110. O'zgarish. Janubiy Koreya. Li Kun Xo o'rniga Jang Xyun Su tushdi

107. Denisov qanotda Li Kun Xoni yiqitdi, raqiblar ochiqchasiga vaqt cho'zishmoqda. Ular bunga haqlilar

106. 15 daqiqa qoldi, yo ustidan yo ostidan...

106. Timur Kapadzening boshi yorilgani tufayli uning boshini bog'lab qo'yishdi. Ikkinchi bo'lim boshlandi.


105+2. Dastlabki qo'shimcha bo'lim tugadi.

105+1. O'zgarish. O'zbekiston. Sanjar Tursunov o'rniga Igor Sergeev tushdi

105. XAVFLI VAZIYAYAYAYAYAYAYAYAYAYAYAYAYAYAT! Rashidov !!!! Gol urishi mumkin edi!!!

104. GOL! 1:0. Muhammadiev to'pni qabul qilib kutilmaganda to'pni raqibga oldirib qo'ydi, hujum Son Xen Minning goli bilan tugadi!

100. ZARBAAAAAAAAAAAAAAAAAAA! SARDOR RASHIDOVVVV!!! To'pni qabul qilib olgan Rashidov chap qanotdan chap oyog'i bilan darvozaga yo'lladi, to'p to'sin ustidan o'tib ketdi!!!

99. Muhammadiev qanot yonida Ki Sun Yungni yiqitdi, Son Xen Min jarima to'pini amalga oshirdi, Mullajonov to'pni qaytardi

98. Vitaliy Denisov to'pni qaytardi va yuzidan jarohat oldi. SHifokorlar unga yordam berishdi.

97. Koreyslar burchak to'pini amalga oshirishdi, Son Xen Minning zarbasini Nesterov qaytardi.

96. Jarima to'pidan so'ng Aziz Haydarov to'pni o'ziga qabul qildi. Xavf bartaraf etildi

95. Rashidov jarima maydoni yonginasida raqibni yiqitdi, Ki Sun Yung jarima to'pi ishladi.

94. O'yin ancha osuda tarzda davom etmoqda, hujumlar kam...

91. Dastlabki qo'shimcha taym boshlandi


90+3. O'yinning asosiy vaqti tugadi. Hozircha 0:0. Endi 30 daqiqa qo'shimcha vaqt tomosha qilamiz.

90+1. Koreyslar butun jamoa bilan himoyada! O'zbekiston hujumda faqa gol kerak!

90. Asosiy vaqtga 3 daqiqa qo'shib berildi!

89. Sanjar Tursunov o'ng qanotdan to'pni qabul qilib oldi va ... sheriklariga to'pni uzata olmadi!

85. Ogohlantirish. O'zbekiston. Anzur Ismoilov ham agar chiqsak yarim finalda o'ynay olmaydi. Asosiysi O'zbekiston chiqsin qolgani bir gap bo'lar

84. O'zgarish. O'zbekiston. Lutfulla To'raev o'rniga Jamshid Iskanderov tushdi



82. Koreyslarning hujumlari anchagina xavfli chiqmoqda. CHap qanotdan uzatilgan to'pni Li Kun Xo darvozaga yo'llay olmadi, yaxshiyam shunday bo'ldi

80. O'zgarish. Janubiy Koreya. Li Jeong Xyop o'rniga Xan Kuk Yung tushdi

79. Koreyslar jarima to'pini amalga oshirishdi, uch nafar futbolchi darvozamizga xavf soldi, noaniq! 

77. Rashidov o'ng qanotdan raqibni aldab o'tib jarima maydoniga to'pni uzatdi, To'raev boshi bilan darvozaga yo'lladi, 1 metrdan yo'llangan zarba noaniq ketdi! Gol urish kerak edi!

77. ZARBAAAAAAAAAAAAAAAAAAAAAAAAAAA! LUTFULLLLLLLLLLLLLLLAAAAAAAAAAAAA! Qanday vaziyatttttttttttttttttttt! Yil noaniq zarbasi!

75. Uchrashuvni tomosha qilish uchun stadionga 23 381 tomoshabin keldi.

74. Kapadze to'pni jarima maydoniga uzatdi, havodan oshirilgan to'pni darvozabon egallab oldi.

72. Hozirgi daqiqaga qadar aniq zarbalar bo'yicha O'zbekiston oldinda: 5:3.

70. ZARBAAAAAAA! Li Kun XOOO! Muhammadiev to'pni qaytarishda xato qildi, hujumchi yaxshiyam yaqin masofadan noaniq zarba berdi!

69. Son Xen Min raqib jarima maydonimiz yonida uch nafar futbolchimizni aldadi, Anzur to'pni so'nggi pallada to'pni qaytardi

68. O'zgarish. Janubiy Koreya. Kim CHang Su o'rniga CHa Du Ri tushdi



67. Anzur Ismoilov qoida buzdi. Jarima to'pidan yo'llgan to'pni Nesterov ushlab oldi.

67. CHa Du Ri maydonga tushishga tayyor, 2002 yil JCHda o'ynagan futbolchi...

66. Qushlar stadionda yashaydi shekillii...ular uyimizga kimlar kelib qoldi deb o'ylashmoqda. Qarashsa begonalar yugurib yurishibdi

65. Son Xen Min ana endi o'z kuchini ko'rsatmoqda, ikki nafar himoyachimizni aldab o'tdi va burchak to'pini ishlab oldi.

64. Burchak to'pini Sardor tepadi. Bahodir Nasimovning boshi bilan yo'llagan zarbasi noaniq chiqdi, xavfli vaziyat!

63. Kim Jin Xyon Rashidov bilan to'qnashuvdan so'ng shifokorlardan yordam oldi

62. Qanday vaziyayayayayayayayayayayayayayayayayayayayayayayat! Sardor! Rashidov! Haydarovning zargarona pasidan so'ng Rashidov birga bir vaziyatga chiqib ketdi, darvozabon to'pni qaytardi, Sardor zarba bera olmadi!!!!! SHuncha vaziyata!!!

61. Yaxshi yangilik bor...qushlar yana qaytishdi....yutamiz shekilli

60. Yana bir vaziyat!!!!!!!!!!! Muhammadievning pasidan so'ng Lutfulla To'raev darvozaga yo'lladi, darvozabon o'z o'rnida!

59. Xavfli vaziyat! Kapadze-Nasimov kombinaciyasidan so'ng Bahodir to'pni jarima maydoniga uzatdi, Rashidov to'pga eta olmadi

57. Ogohlantirish. O'zbekiston. Vitaliy Denisov. Agar terma jamoamiz yarim finalga chiqsa himoyachimiz maydonga tusha olmaydi. Asosiysi O'zbekiston yarim finalda o'ynasin...

56. Ogohlantirish. Janubiy Koreya. Kvak Tae Xvi

54. Vakillarimiz chap qanotdan hujum tashkil etishdi, Haydarov-Tursunov-Rashidov kombinaciyasi yakuniga etmay qoldi

53. Himoyada futbolchilarimiz shoshib qolishayapti, koreyslar qo'rqinchli emasku...

51. Javob hujumi! Nasimov darvozabon bilan birga bir vaziyatga chiqib ketdi, posbonning zarbasi himoyachiga tegib darvozaga qarab ketdi, afsuski noaniq!

50. ZARBAAAAAAAAAAAAAA! NESTEROVVVVVVVVVV! Li Jeong Xyopning boshi bilan yo'llagan to'pni Ignatiy qaytardi, yaqqol goldan saqlab qoldi darvozabonimiz! Qoyil!

47. Xavfli vaziyat!!! Koreyslar jarima to'pini amalga oshirishdi, Nesterov darvoza chizig'i ustidan to'pni qaytardi! Balli Ignatiy!

46. Ikkinchi bo'lim boshlandi


45+1. Dastlabki bo'lim yakunlandi. Hozircha 0:0...



45. Birinchi bo'limga bir daqiqa qo'shib berildi.

44. Koreyslarning 8 nafari to'p yonida maslahat qilib olishdi. Son Xen Minning zarbasi noaniq ketdi, "Bayer"da o'ynasang o'zingga...

43. Mullajonov jarima maydoni yonida raqibni yiqitdi, xavfli jarima to'pi

42. O'yin surati biroz pasaygandek, shiddat biroz kamaydi.

40. Lutfulla To'raevning juda chiroyli pasini himoyachilar qaytarishdi, Bahodir Nasimov akrobatik tarzda darvozaga zarba berdi, noaniq! Supergol bo'lardi!

38. Ki Sun Yung! "Suonsi" futbolchisi yana bir bor zarba berdi, o'ta noaniq zarba! Doim shunday bo'laversin

37. Odil Ahmedov maydonni tark etgach sardorlik bog'ichi Aziz Haydarovga o'tdi

36. ZARBAAAAAAAAAAAAAAAAA! DENISOV! 35 metrlardan chap oyog'i bilan zarba berdi, kuchli lekin noaniq zarba!

35. Vitaliy Denisov raqib futbolchisi bilan to'qnashuvdan so'ng maydonda yotibdi, shifokorlar unga yordam ko'rsatishmoqda

33. SHtilikega jamoasining o'yini yoqmayotgani aniq. Hozircha germaniyalik murabbiyning kayfiyati yaxshi emas

30. Rashidov raqib jarima maydoni ichida paydo bo'ldi, unga sherik etishmadi. Denisov sari uzatilgan to'p noaniq chiqdi. Hujumlar ko'p, lekin sifatsiz...Odilning soniga muz qo'yishdi.

29. Odil o'tgan o'yinda olgan jarohati bezovta qildi

29. O'zgarish. O'zbekiston. Odil Ahmedov o'rniga Temur Kapadze tushdi



27. NASIMOOOOOOOOOOOOOOV! To'pni qabul qilib olib zarba berdi, noaniq!!!

25. ZARBAAAAAAAA! Ki Sun Yungning zarbasi xavfli lekin noaniq chiqdi!

24. XAVFLI VAZIYAYAYAYAYAYAYAYAYAYAYAT! NESTEROOVV! Son Xen Minning zarbasini posbonimiz qaytardi!

22. Uli SHtilike va Mirjalol Qosimov maydon chetida turib shogirdlariga ko'rsatma berib turishibdi

18. Koreyslarning xavfli hujumi!!! Li Kun Xo chap qanotda ikki himoyachimizni aldab o'tdi va sheriklariga to'pni uzatdi. Yaxshiyam Li Jeong Xyop to'pga ulgurmadi!

18. Janubiy Koreyadan qo'rqmay o'ynayapmiz, lekin vaziyat yaratilgach gol ham urish kerakda!

17. YANa zarbaaaaaaaa! Odil Ahmedov chap qanotdan uzatilgan to'pni darvozaga noaniq yo'lladi!

16. ZARBAAAAAAAAAAAAAAAA! TURSSSSSSSSSUNOVVVVVVVV! Raqib jarima maydoni ichida to'pni qabul qilib olib darvozaga yo'lladi, darvozabon to'pni qaytardi! Qanday vaziyayayayayayayayayayayayat! Sanjar!

15. Koreyslar hujumga o'tishganida stadion bamisoli portlamoqda, muxlislar juda ko'pchilikni tashkil etmoqda. O'zbekistonlik muxlislar ham yo'q bo'lib qolishmayapti. Oz lekin sifatli muxlislik bo'layapti

12. Rashidov raqib himoyachilariga erkin harakat qilishga imkon bermayapti. Kim CHang Su o'ng qanotdan oldinga o'tdi va to'pni maydon tashqarisiga chiqarib yubordi.

10. Koreyslar to'pni o'zlarida saqlab turishibdi. Qanot orqali tezkor qarshi hujumga o'tishda ular juda xavfli ko'rinishmoqda.

7. Terma jamoamiz vakillari hujumkor o'yin namoyish etishmoqda. O'yin surati juda yuqori, shiddatli bahs ketmoqda

5. XAVFLI VAZIYAYAYAYAYAYAYAYAYAYAYAT! Ahmedovning chiroyli pasidan so'ng To'raev boshi bilan zarba bera olmadi, juda xavfli vaziyat edi! Hisob ochilishi mumkin ediya...eh

4. ZARBA! Bahodir Nasimov jarima maydoni ichidan darvozaga zarba berdi, darvozabon uchun oson to'p.

4. Stadionning 80 fozi koreyalik muxlislar bilan to'lgan, baqir-chaqir juda ko'p.

3. Vitaliy Denisov chap qanotdan oldinga o'tdi, lekin raqib himoyachisi to'pni olib qo'ydi.

2. Ilk daqiqalardan raqib hujumga o'tdi, o'ng qanotdan jarima maydonimiz ichiga yorib kirgan futbolchini Aziz Haydarov to'psiz qoldirdi!

1. O'YIN BOSHLANDI!

- O'yinni Janubiy Koreya futbolchilari boshlab berishadi. O'zbekiston birinchi bo'limda o'ng tomonda o'ynaydi.

- Navbat O'ZBEKISTON davlat madhiyasiga! Barcha birgalikda!

- Dastlab Janubiy Koreya davlat madhiyasi

- Diqqat qiling ikkala jamoa futbolchilari maydonga tushib kelishmoqda

- O'yin boshlanishiga oz qolmoqda, hayajonli daqiqalar...

- SHu qizaloq hurmati, bugun G'ALABA!



- O'yindan oldin Uli SHtilike Avstraliyaga Osiyo Kubogida g'olib chiqish uchun kelganini malum qildi. Mirjalol Qosimov esa bugun guruh bosqichi emas chorak final ekanini bu erda xatolar kechirilmasligini aytib o'tdi. "Baxtimizni raqib darvozasi oldida qidiramiz", bu gaplarni ham Qosimov aytib o'tdi.



- Bizning muxlislar bugun o'zlarini ko'rsatishadi, bunga ishonamiz...



- Ayni paytda Melburn shahrida havo harorati 33 daraja issiq...futbolchilarga sabr...

- Stadion atrofida koreyalik muxlislar juda ko'p...



- Uchrashuvdan oldingi fotogalereyani ko'rmadingizmi? Unda mana bu erga tashrif buyurishingiz shart.

- Stadionda turli qo'shiqlar yangramoqda, o'yinlar tashkil etilmoqda...bayramona kayfiyat.

- Osiyo Kubogi chorak finali bo'lishiga qaramay stadionga odam ko'p deb bo'lmaydi. Ko'pchilik Avstraliyaning o'yiniga ketgan shekilli.

 - Ikkala jamoa futbolchilari o'yinoldi chigalyozli mashg'ulotlarini boshlab yuborishdi.

- Melburn shahridagi "Melburn" stadionida Janubiy Koreya va O'zbekiston terma jamoalari o'rtasidagi o'yin boshlanmoqda.

- Uchrashuv soat 12:30da boshlanadi.