Osiyo Kubogi. SHtilike futbolchilardan qattiq mehnat qilishni so'rayapti

Bugun odatga ko'ra o'yinoldi matbuot anjumani tashkil qilindi. Matbuot anjumanida ishtirok etgan koreyaliklar bosh murabbiyi Uli SHtilike o'z futbolchilaridan qattiq mehnat qilishni so'radi:

"Osiyo chempionati boshlanmasidan oldin menga Eron bir, Yaponiya ikki, Janubiy Koreya uch va O'zbekiston to'rtinchi bo'ladi, chunki ular reytingda yonma-yon ketishmoqda deb aytishgandi. Bu taxmin noto'g'ri chiqishi uchun ham ertaga g'alaba qozonmasak bo'lmaydi. SHu o'rinda shogirdlarimdan ertangi bellashuvda juda qattiq mehnat qilishlarini so'rayman. Negaki bizni oson o'yin kutib turgani yo'q".

"O'zbekiston bilan bo'lgan bahs ortda qoldi. Futbolchilar tiklanish mashqlarini bajarib bo'lishdi va ertangi o'yinga tayyorlar. Tarkibimizda jarohat olganlar yo'q. Hamma soppa-sog'".