Osiyo Kubogi-2019. Avstraliya guruhdan chiqa olmasligi mumkin

"B" guruhida Iordaniya terma jamoasi muddatdan avval 1-o'rinni naqd qilib bo'lgan. So'nggi turda Falastinga yutqazib qo'ysa ham Iordaniya birinchi o'rinni hech kimga bermaydi.

Ikkinchi bahsda Avstraliya va Suriya to'qnash keladi. Avstraliya guruhda ikkinchi bo'lishi uchun durang ham etarli bo'ladi. Suriya esa keyingi bosqichga chiqmoqchi bo'lsa faqat va faqat g'alaba qozonishi shart.

Iordaniya hamda Falastin davlatlari o'rtasida do'stlik rishtalari bor. SHu bois ham Iordaniya o'z qo'shnisiga yutqazib berishi ehtimoli bor. Agar bugun haqiqatdan ham shunday bo'lib, Falastin g'alaba qozonsa keyingi bosqichga chiqadi. Suriya esa sensaciya namoyish etib Avstraliyadan ustun kelsa 2015 yilgi Osiyo chempioni BAAda guruh bosqichidan so'ng o'z uyiga jo'nab ketadi.

Eslatib o'tamiz, 1/8 finalda bu guruhda 2-o'rinni olgan jamoa O'zbekiston o'rin olgan guruhda 2-o'rinni band etgan jamoa bilan to'qnash keladi.