Osiyo kubogi-2015. Raqibimiz - KXDR terma jamoasi

Biroq o'tgan yili kam bahslarda ishtirok etgani tufayli “CHollima” haqida malumot unchalik ko'p emas. Ularning musobaqaga qanday tayyorlangani to'g'risida etarlicha axborot tarqatilmadi. Faqat jamoa tarkibini bilib oldik. Oktyabr oyida KXDR Dubayda yig'in o'tkazdi va o'shanda 3 o'rtoqlik bellashuvida maydonga tushgandi. Terma jamoamiz murabbiylari faqat o'sha bellashuvlardan kelib chiqqan holda raqib haqida tasavvurga ega bo'lganlar. Biz bu jamoaning qanday o'yin uslubi va tarkibni tanlashi mumkinligi to'g'risida uchrashuv oldidan chop etiladigan navbatdagi sonimizda malumot keltirib o'tamiz. KXDR Osiyo Kubogining eng sirli jamoalaridan biri. Hammasini 1-tur o'yinida ko'rib, baho berishimiz mumkin.

KXDR terma jamoasi
Laqabi: “CHollima”
Bosh murabbiyi: Jo Tong Sop
Sardori: Ri Myon Guk
FIFA reytingida o'rni: 150
Eng yuqori o'rni: 57 (1993 yil noyabr)
Eng quyi o'rni: 181 (1998 yil noyabr)
Birinchi uchrashuvi: Xitoy – 1:0 (Pekin, Xitoy, 1956 yil 7 oktyabr)
Eng yirik g'alabasi: Guam – 21:0 (Taypey, Xitoy Taypeyi, 2005 yil 11 mart)
Eng yirik mag'lubiyati: Portugaliya – 0:7 (Keyptaun, JAR, 2010 yil 21 iyun)
Jahon chempionatida 2 marta ishtirok etgan. Osiyo Kubogida 3 bor qatnashgan va 1980 yil yarim finalga etib kelgan.
KXDR bosh murabbiyi bo'lgan Yun Jon Suning OFK tomonidan diskvalifikaciya qilingani sababli Jo Tong Sop bu vazifani bajarishga kirishadigan bo'ldi. U 2010 yil KXDR yoshlar terma jamoasini qita chempioniga aylantirgan. 2011 yil Qatarda o'tgan Osiyo Kubogida terma jamoani boshqargan. O'shanda jamoa birorta gol urmasdan musobaqani tark etgandi. Sop bu safar qanday natijaga erishishi kuzatamiz.

Jo TONG SOP
Tug'ilgan sanasi: 01.05.1969
Tug'ilgan joyi: Pxenyan
Boshqargan jamoalari: KXDR yoshlar terma jamoasi, KXDR milliy terma jamoasida yordamchi va bosh murabbiy.
Terma jamoa tarkibi 20 nafar mahalliy chempionatda o'ynaydigan va 2 nafar legionerdan iborat.

Futbolchilarning asosiy qismi “Rimyongsu” va “25 aprel” klublaridan chaqirilgan. Ushbu 2 jamoadan 14 o'yinchi jalb etilgan. SHuningdek, 2 nafardan Yaponiya va SHveycariya chempionatida to'p tepadigan legionerlar ham taklif qilindi. Asosiy yulduz Jon Tay Se esa Janubiy Koreya fuqaroligini ham taklif qilgani va ushbu davlat chempionatida o'ynayotgani tufayli KXDR termasiga jalb etilmaydigan bo'ldi. Yaponiyada tavallud topgan o'yinchi ayni paytda “K” ligada o'ynayapti. Terma jamoada Ri Myon Guk, CHa Jon Xyok, Jon Kvan Ik, Pak Son CHol, Pak Kvan Ryong singari futbolchilar etakchilar rolida gavdalanadi. 22 futbolchidan 11 nafari terma jamoada hali 5ta ham o'yin o'tkazib ulgurmagan. Demak, jamoa tarkibi 2014 yil tubdan yangilangan desak mubolag'a bo'lmaydi. Ularni milliy chempionatdagi ishtiroklari asosida tanlab olishgan. KXDR jamoalari Osiyo klublar musobaqalarida ishtirok etishmaydi.

Darvozabonlar
1. Ri Myon Guk	54	0  Pxenyan Siti
18. Ri Kvan Il	0	0  25 aprel
22. Ju Kvan Min	14	0  Rimyongsu
Himoyachilar
2. Ri CHang Xo	0	0  Rimyongsu
3. Jan Son Xyok	10	2  Rimyongsu
4. Jon Kvan Ik	30	2  Amrokgang
5. Xan Son Xyok	3	0  Rimyongsu
6. Ro Xak Su	12	2  Rimyongsu
13. Sim Xyon Jin	9	1  25 aprel
15. Jan Kuk CHol	0	0  Xvaebul
16. CHa Jon Xyok	45	1  Vil, SHveycariya
Yarim himoyachilar
7. Ri San CHol	2	2  Rimyongsu
8. Ryan Yong Gi	21	4  Vegalta Senday, Yaponiya
9. Pak Son CHol	28	8  Rimyongsu
11. Jon Il Gvan	25	6  Rimyongsu
19. Ri Yong Jik	0	0  Tokushima Vortis, Yaponiya
21. O Xyok CHol	3	1  25 aprel
Hujumchilar
10. Pak Kvan Ryong	12	3  Bazel, SHveycariya
12. Om CHol Son	1	0  25 aprel
14. Kyo Son Xyok	2	1  25 aprel
17. So Xyon Uk	3	0  25 aprel
20. CHoy Von	0	0  Xvaebul

Behzod Nazarov