Osiyo Kubogi-2015: Avstraliya terma jamoasi

Dastlab musobaqa mezboni sanalgan Avstraliya terma jamoasi haqida malumot berib o'tamiz.

Musobaqa mezboni bo'lgani sababli “sokkeruz”larning qita chempionatida zafar quchish imkoniyati yuqori baholanmoqda. Jamoa Braziliyada o'tgan jahon chempionatida Gollandiyaga qarshi uchrashuvda yuqori saviyada o'yin ko'rsatib, ko'pchilikni hayron qoldirgandi. Terma jamoani 2013 yildan buyon boshqarib kelayotgan Ange Postekoglu hozircha jamoani shakllantirish jarayonini davom ettirmoqda. Terma jamoada yosharish yuzaga kelgani sababli u o'rtoqlik uchrashuvlarida turli yangi nomzodlarni sinovdan o'tkazib ko'rdi. Evropaga bir necha yil yangi futbolchilar yo'l olmagani sababli muammo yuzaga kelgandek edi, lekin avstraliyaliklar yana Evropa maydonlarida o'zlarini ko'rsatishni boshlashdi.

Tayyorgarlik jarayoni Avstraliyada ko'p bo'lmaydi. CHunki jamoa dekabrning oxirida yig'ilib, o'rtoqlik o'yinlarisiz Osiyo Kubogiga tayyorgarlik ko'radi.

Laqabi: "sokkeruz"
Bosh murabbiyi: Ange Postekoglu
Sardori: Mayl Edinak
Eng ko'p o'ynagan futbolchi: Mark SHvarcer (109)
To'purari: Tim Keyxill (36)
FIFA reytingidagi o'rni: 100
Birinchi rasmiy o'yini: Yangi Zelandiya - 3:1 (Dandin, Yangi Zelandiya, 1992 yil 17 iyun)
Eng yirik g'alabasi: Amerika Samoasi - 31:0 (Koffs Xarbyor, Avstraliya, 2001 yil 11 aprel)
Eng yirik mag'lubiyati: JAR - 0:8 (Adelaida, Avstraliya, 1955 yil 17 sentyabr)

Jahon chempionatida 4 marta ishtirok etgan. Osiyo Kubogida 2 bor qatnashib, 2011 yil finalda Yaponiyaga yutqazgan. Okeaniya chempionatining 4 karra g'olibi.

Terma jamoa safida qita chempionatida qatnashadigan futbolchilarning 16 nafari xorij chempionatlarida to'p tepishadi. Uch nafar asosiy yulduz sifatida Mayl Edinak, Tim Keyxill va Robbi Kruzni ko'rsatish mumkin. Edinak 2014 yil Osiyodan tashqarida faoliyat yuritadigan eng yaxshi futbolchi deb topildi. Angliya premer-ligasida “Kristal Pelas” tarkibida ishonchli o'yin namoyish qilmoqda. Keyxill esa 35 yoshda ham raqib uchun xavfli hujumchi sifatida qolyapti. Kruz esa Germaniya bundesligasida juda ko'p xavfli vaziyatlarni yuzaga keltirishi bilan tanilgan. SHuningdek, Mark Breshianoni ham yoddan chiqarish kerak emas.


Terma jamoa tarkibi

Darvozabonlar	O'yin	Gol	Klubi
Metyu Rayan	13	0	“Bryugge”, Belgiya
Evgen Galekovich	8	0	“Adelaida Yunayted”
Mitchell Langerak	5	0	“Borussiya D”, Germaniya
Himoyachilar
Metyu Spiranovich	21	0	“Vestern Sidney”
Jeyson Devidson	13	0	“Vest Bromvich”, Angliya
Ivan Franjich	12	0	“Torpedo”, Rossiya
Aleks Uilkinson	11	0	“CHonbuk Motors”, Koreya
Aziz Bexich	7	2	“Bursaspor”, Turkiya
Trent Seynsbri	4	0	“Zvolle”, Gollandiya
Kris Xerd	3	0	“Aston Villa”, Angliya
Yarim himoyachilar
Mark Breshiano	81	13	“Al Garafa”, Qatar
Mayl Edinak	52	6	“Kristal Pelas”, Angliya
Mett Makkay	50	1	“Brisban Roar”
Mark Milligan	33	2	“Melburn Viktori”
Jeyms Troizi	16	1	“Zyult Varegem”, Belgiya
Tommi Oar	21	1	“Utrext”, Gollandiya
Massimo Luongo	5	0	“Suindon Taun”, Angliya
Terri Antonis	3	0	“Sidney”
Hujumchilar
Tim Keyxill	76	36	“Nyu York Red Bulls”, AQSH
Robbi Kruz	32	3	“Bayer”, Germaniya
Metyu Leki	16	1	“Ingolshtadt”, Germaniya
Neyton Berns	7	0	“Vellington Foniks”
Tomi Jurich	5	1	“Vestern Sidney”

 
Behzod Nazarov tayyorladi