Osiyo chempionati (U-22). Ikki guruhda 3-tur bo'lib o'tdi yoxud mezbon chorak finalga chiqa olmadi

"V" guruhida so'nggi turda Yamanni mag'lub etgan Suriya guruhda birinchi o'rinni egalladi. KXDR bilan durang o'ynagan BAA esa ikkinchi pog'onadan keyingi bosqichga chiqdi.

Suriya - Yaman 1:0
KXDR - BAA 0:0
 

#	"B" guruhi	O'	YU	D	M	T-N	O
1	Suriya	3	2	1	0	3-1	7
2	BAA	3	1	2	0	2-1	5
3	KXDR	3	1	1	1	3-2	4
4	Yaman	3	0	0	3	1-5	0

"A" guruhida esa musobaqa mezboni ishtirokni guruh bosqichida yakunlashi malum bo'ldi. Ummon bugun Janubiy Koreyaga 0:2 hisobida mag'lub bo'ldi. Koreyslar 7 ochko bilan guruhda birinchi bo'la olishmadi. Sababi so'nggi turda Myanmani 6:1 hisobida "savalagan" Iordaniya to'plar nisbatiga ko'ra guruhda birinchi bo'ldi. Iordaniya va Janubiy Koreya o'zaro durang o'ynashgandi.

Myanma - Iordaniya 1:6
Ummon - Janubiy Koreya 0:2
 

#	"A" guruhi	O'	YU	D	M	T-N	O
1	Iordaniya	3	2	1	0	8-2	7
2	Janubiy Koreya	3	2	1	0	6-1	7
3	Ummon	3	1	0	2	4-3	3
4	Myanma	3	0	0	3	1-13	0

CHorak finalda Suriya - Janubiy Koreya, Iordaniya - BAA juftliklari kurash olib borishadi.

Ertaga "C" va "D" kvartetlarida ham so'nggi tur o'yinlari bo'lib o'tadi. Ushbu guruhlardan Iroq va Avstraliya jamoalarining birinchi o'rinni olishlari malum. Qolgan ikki yo'llanma egalari ertaga malum bo'ladi. Eslatib o'tamiz, O'zbekiston yoshlari 16 yanvar kuni Saudiya Arabistoniga qarshi o'yinda mag'lub bo'lishmasa (g'alaba yoki durang) chorak finalga chiqishadi. Agar bu vazifa uddalansa chorak finalda vakillarimiz Avstraliyaga qarshi o'ynashadi.