O'rtoqlik uchrashuvi. “Metallurg” – “Bunyodkor” – 3:1

O'tgan yilgi mavsumda to'rtinchi o'rinni egallagan bekobodlik yoshlarga qarshi uchrashuvda Hikmat Ergashev 1999-2000 yilda tug'ilgan yoshlaridan iborat tarkibini maydonga tushirdi. SHunga qaramasdan “polapon” qaldirg'ochlar birinchi taymda tengma teng to'p surdi va darvozalari dahlsizligini saqlab qolishdi. Ammo ikkinchi taymda bekobodliklarning ikki uch yosh bo'lsa-da kattaligi sezildi va ular birin-ketin maydon egalari darvozasiga 3 ta to'p kiritishdi. Gollarning ikkitasini Muhammadjon Sultonov, bittasini esa penaltidan Siroj Toshpo'latov kiritdi. Uchrashuv yakunlanishi arafasida bunyodkorchilar bitta gol bilan javob qaytarishdi.
“Metallurg” yoshlar tarkibi endi “Yangier” jamoasi bilan ikkita (uy va safarda), shuningdek, “Olmaliq” jamoasi yoshlari bilan Bekobodda bitta o'rtoqlik o'yini o'tkazishni rejalashtirgan. Hikmat Ergashev boshchiligida o'tgan mavsum yoshlar birinchiligida g'olib chiqqan jamoa esa 3 fevral kuni “Metallurg”ning asosiy tarkibiga qarshi maydonga chiqadi.