O'rtoqlik uchrashuvi. “Cementchi” - “Neftchi” yoshlarini mag'lubiyatga uchratdi”

Jamoa azolari 18 may kuni Quvasoydagi qarorgoxida yig'ilishib navbatdagi “Xotira-79” jamoasiga qarshi uchrashuvga tayorgarlik mashg'ulotlarini boshladi.

Jamoa azolari navbatdagi tur uchrashuvlariga puxta tayorgarlik ko'rish maqsadida Quvasoyda “Neftchi” jamoasi yoshlariga qarshi nazorat uchrashuvida maydonga tushdi. Har ikkala jamoa murabbiylari ushbu uchrashuvda barcha futbolchilarni yana bir karra ko'zdan kechirib oldilar. Uchrashuv o'rtoqlik bo'lishiga qaramay keskin va kurashlarga boy tarzda o'tdi. Murabbiylarimiz birinchi bo'limda tajribali futbolchilarni maydonga tushurdi, ammo dastlabki bo'limda hisob ochilmadi. SHiddatli o'tgan birinchi bo'limdagi eng xavfli vaziyatlardan birida Davron Isoqov tepgan to'p darvoza to'siniga tekkan bo'lsa yana bir vaziyatda “Neftchi” darvozasiga belgilangan penaltini tajribali Anvar Raximov golga aylantira olmadi. Ushbu vaziyatda raqib darvozaboni yaxshi o'ynadi va jamoasini goldan qutqarib qoldi.

Uchrashuvning ikkinchi bo'limida esa jamoamiz murabbiylari maydonga ushbu mavsumda o'yin amaliyotiga ancha kamroq ega bo'layotgan futbolchilardan iborat tarkibni maydonga tushurdi. Aytish mumkunki ikkinchi bo'limda tushurilgan tarkibning xatti-haraktlari o'yin suratini yanada ko'taritb yubordi.

Uchrashuvning 76 daqiqasida “Cementchi”ning  yosh yarim himoyachisi Fayzullo Jumanqo'zievni raqiblarning ikki himoyachisi o'z jarima maydonchasi ichida qo'pol tarzda to'xtatib qolishdi. 11 metrlik nuqtaga yaqinlashgan Raxmatillo Meliboev “Neftchi” darvozasini aniq nishonga oldi va uchrashuvda hisob ochildi. 1:0

Oradan 10 daqiqa o'tar o'tmas o'yinning 86 daqiqasida markazdan hujum uyushtirgan yana o'sha Fayzullo Jumanqo'ziev ikki himoyachi orasidan to'pni chaproqdan kirib kelayotgan SHoxjahon Abbosovga qulay tarzda etkazib berdi. Abbosov esa to'pni kuchli zarba bilan “Neftchi” darvozasining uzoq burchagiga joylab qo'ydi. “Cementchi” - “Neftchi” 2:0. Nazorat uchrashuv shu tariqa quvasoyliklarning ustunligi bilan yakunlandi.

20 may. Nazorat uchrashuvi

“Cementchi”-“Neftchi” 2:0

Gollar; Raxmatillo Meliboev (76 pen), SHoxjaxon Abbosov (86)

“Cementchi”ning birinchi bo'limdagi tarkibi: Ilxom Jumanov, Zokir Nurmatov, Umid Madmusaev, Maruf Zokirjonov, Anvar Raximov, Sardor Sotvoldiev, Raxmatillo Meliboev, Otabek Axmadjonov, Elyor Mamasoliev, Davron Isoqov Davron Mamatov.

“Cementchi”ning ikkinchi bo'limdagi tarkibi: Dilmurod Mamayusupov, Raxmatilla Mirzaaxmadov, Mashxur G'ulomov, Nodir Ibragimov, Zokir Nurmatov, Sanjar Zokirov, Mamatvali Nuriddinov, Sirojjon Toshpo'latov (Raxmatillo Meliboev), Fayzullo Jumanqo'ziev, Abbos Jumakulov, SHoxjaxon Abbosov

“Cementchi” O'zbekiston birinchiligi musobaqasining navbatdagi 11-tur uchrashuvini  safarda 25 may sanasida, Uychi tumanining  “Xotira-79” jamoasiga qarshi o'tkazadi.

“Cementchi” jamoasi matbuot kotibi Zuxriddin Abdullajonov.