O'rtoqlik uchrashuvi. “Bunyodkor” - "CHonbuk Motors" 5:5

“Qaldirg'ochlar”ning bugungi sparring raqibi Januyuiy Koreyaning amaldagi chempioni “CHonbuk Motors” klubi bo'ldi.

Uchrashuv hujumkor ruhda boshlandi. Har ikkala jamoa azolari dastlabki daqiqalardan boshlab, chiroyli va kombinacion o'yin ko'rsatishga intilishdi. Darvozalar oldida qator xavfli hujumlar tashkil etildi. Lekin markaziy himoyachilar va darvozabonlarning aniq harakatlari evaziga hujumlar bartaraf etilib turildi. Bo'lim oxirlariga kelib uchrashuvdagi gollar shousi boshlandi.

40-daqiqada “CHonbuk Motors” vakillari hisobni ochishdi. Lekin oradan hech qancha vaqt o'tmasdan Akmal SHorahmedovga nisbatan ishlatilgan qo'pollikdan so'ng belgilangan penaltidan Dostonbek Hamdamov hisobni tenglashtirdi. Jamoalar tanaffusga 1:1 hisobida chiqib ketishdi.

Ikkinchi bo'lim startida ketma-ket to'rtta gol kiritildi. Eldor SHomurodov va Akramjon Komilovning gollariga koreyslar tezlik bilan javob qaytarishdi va hisob 3:3ga etdi.

Ikkinchi bo'lim o'rtalarida “CHonbuk Motors” futbolchisi burchak zarbasidan gol urib, jamoasini oldinga olib chiqdi. Biroq bu xursandchilik uzoqqa cho'zilmadi. Zaxiradan maydonga tushgan Sanjar Qodirqulov 77-daqiqada chamasi 22 metrlardan to'pga kuchli zarba berib, darvozani nishonga oldi – 4:4.

O'yin yakunlanishi arafasida Janubiy Koreyaning amaldagi chempioni darvozamizga beshinchi to'pni kiritib, oldinga o'tib oldi. Bu safar ham vakillarimiz javob to'pini juda tezlik bilan kiritishdi. Javlon Ibrohimov va Sanjar Qodirqulovning chiroyli kombinaciyasidan so'ng SHahzodbek Nurmatov qulay vaziyatga chiqarildi. Deyarli birga-bir vaziyatdan Nurmatov unumli foydalanib, yakuniy natija 5:5 bo'lishini taminladi.

SHu tariqa, “Bunyodkor” BAAdagi beshinchi nazorat uchrashuvida Janubiy Koreyaning amaldagi chempioni “CHonbuk Motors” bilan jangavor 5:5 hisobidagi jangavor durang qayd etdi.

Eslatib o'tamiz, bungacha “qaldirg'ochlar” BAA yig'ini doirasida “Anji” (3:2), “Amkar” (1:1), “Lokomotiv” Moskva (0:3) va “Xenan Jiane” (3:1) jamoalari bilan nazorat uchrashuvi o'tkazishgan edi.

Nazorat uchrashuvi
“BUNYODKOR” – “CHONBUK MOTORS” (Janubiy Koreya) 5:5 (1:1)
Gollar: 40 (0:1), Dostonbek Hamdamov 42 penalti (1:1), Eldor SHomurodov 52 (2:1), 57 (2:2), Akramjon Komilov 62 (3:2), 64 (3:3), 75 (3:4), Sanjar Qodirqulov 77 (4:4), 86 (4:5), SHahzodbek Nurmatov 88 (5:5)
“Bunyodkor”: Murodjon Zuhurov, Akmal SHorahmedov (S), Rustamjon Ashurmatov, Javlon Mirabdullaev, Akramjon Komilov, Minori Sato, Otabek SHukrov, Bahodir Nasimov, Zabihillo O'rinboev, Dostonbek Hamdamov, Eldor SHomurodov
Zaxiradan maydonga tushganlar: Dilshodbek Ahmadaliev, SHahzodbek Nurmatov, Sanjar Qodirqulov, Sardor Sobirxo'jaev, Javlon Ibroximov, Dilshod Jo'raev
27.01.2016. Dubay. “The Sevens” stadioni.