"Orol"ning ushbu mavsumdagi natijalari haqida faktlar
10 may 2018 10:21
Yangiliklar

"Orol"ning ushbu mavsumdagi natijalari haqida faktlar

"Orol" jamoasi ushbu mavsumda Pro ligada 6 ta uchrashuv o'tkazdi. Jamoaning natijalari haqidagi qiziqarli malumotlarni etiboringizga havola etamiz.

1. "Orol" mavsum davomida hozircha 6 ta uchrashuv o'tkazib, 2 durang, 4 mag'lubiyat qayd etdi.

2. Nukusliklar o'z maydonida 3 o'yinda ham yutqazgan bo'lishsa, mehmondagi 3 o'yinning ikkitasida ochko bilan qaytishgan.

3. Nukusdagi uchta uchrashuvga stadionga jami 5301 nafar muxlis tashrif buyurgan.

4. Jamoaning 7 ta goli 3 nafar futbolchi hisobiga yozildi. Navro'z Xaipov 5 ta gol urgan bo'lsa, Navro'z Alimov va Nurlibek Talasbaev bittadan golga mualliflik qilishdi.

5. "Orol" birinchi bo'limlarda atigi 2 ta gol kiritgan.

6. Islom Seytnazarov avtogol urgan "Orol"ning yagona futbolchisi.

7. To'qqiz nafar futbolchi sariq kartochka olgan. Damir Nizanov va Ulug'bek Quttiboevlar ikki martadan ogohlantirilishgan.

8. "Andijon" futbolchisi E.Boymatov "Orol"ga qarshi o'yinda penaltidan foydalana olmagan.

9. "Orol" jamoasi uch marta penalti tepgan va har uchalasidan ham Navro'z Xaipov unumli foydalangan.

10. Etti nafar futbolchi 6 ta uchrashuvda ham maydonga tushishdi. Islom Seytnazarov va Navro'z Xaipov barcha o'yinlarni to'liq 90 daqiqadan o'tkazishgan.

11. Oltita uchrashuvda "Orol" darvozasini uch nafar darvozabon himoya qildi.

Furqat Yusupov