"Oqqushlar"dan "kaltak" egan "flamingo" va qo'shimcha daqiqalar qiroli "Arsenal". 22-tur sharhi
24 jan 2017 13:45
Yangiliklar

"Oqqushlar"dan "kaltak" egan "flamingo" va qo'shimcha daqiqalar qiroli "Arsenal". 22-tur sharhi

Yakshanba kuni bo'lib o'tgan "CHelsi" hamda "Xall Siti" o'rtasidagi bahs Angliya Premer-ligasining 22-tur uchrashuvlariga yakun yasadi.

"Liverpul" hamda "Suonsi" o'rtasidagi o'yin ushbu tur o'yinlarini ochib berdi. Kutilmaganda "oqqushlar" mezbon jamoani 3:2 hisobida taslim etdi. Lorente (dubl) va Sigurdssonning gollari "Suonsi"ga g'alaba keltirdi. Firminoning 2 ta goli jamoasini mag'lubiyatdan qutqara olmadi.

"Kristal Pelas" o'z maydonida "Everton"ga yutqazib qo'ydi. Og'ir o'tgan bahsdagi yagona golga Koulman mualliflik qildi.

Autsayderlar safiga kiritilgan "Midlsbro" "Vest Xem" bilan kurash olib bordi. Kerroll (dubl) va Kalerining gollariga mezbonlar Stuanining yangona aniq zarbasi bilan javob bera olishdi.

"Manchester Yunayted" mag'lubiyatsiz seriyasini davom ettirmoqda. Bu safar "Stok Siti"ga qarshi maydonga tushgan "qizil iblislar" 19-daqiqada gol o'tkazib yuborishdi, aniqrog'i Mata o'z hisobiga avtogol yozib qo'ydi. Bahsning so'nggi soniyalarida Ueyn Runi jarima zarbasidan gol urib, jamoasiga 1 ochko tuhfa qildi.

"Vest Bromvich" ortiqcha qiyinchiliklarsiz "Sanderlend"ni mag'lub etdi. 30 va 36-daqiqalarda Fletcher hamda Brant tomonidan kiritilgan gollar mezbonlarga ishonchli g'alabani taqdim etdi.

"Bornmut" va "Uotford" o'rtasidagi bahsda "olchalar" irodali durangga erishishdi. "Uotford" safida Kabasele va Troy Dini urgan gollarga King va Afobe javob bera olishdi.

SHanba kungi bahslarni "Manchester Siti" hamda "Tottenxem" o'rtasidagi bahs yakunlab berdi. "SHaharliklar" uchrashuvni juda yaxshi boshlashdi va ko'plab vaziyatlar yarata olishdi, ammo gol urishda muammolar paydo bo'ldi. Ikkinchi bo'limning ilk daqiqalarida Leroy Sane Lorisning xatosidan unumli foydalanib hisobni ochdi. Bir necha daqiqa o'tib De Bryuyne ham franciyalik posbonning qo'pol xatosini golga aylantirdi. Dele Alli va zaxiradan o'yinga qo'shilgan Son Xyon Min uchrashuv 2:2 hisobida yakunlanishini taminlashdi.

"Sautgempton" "Lester Siti"ni 3:0 hisobida taslim etdi. Bahsda Uord-Prouz, Rodriges va Tadichlar o'z hisobiga bittadan gol yozib qo'yishdi.

"Arsenal" o'z maydonida "Byornli"ni qabul qildi. Mustafi Ozilning uzatmasidan so'ng hisobni ochdi. 90-daqiqagacha hisob o'zgarmadi, ammo mehmonlar qo'shib berilgan daqiqalarda CHex darvozasini ishg'ol qilishga muvaffaq bo'lishdi. Hakam asosiy vaqtga 7-daqiqa qo'shib bergan edi. Aleksis Sanches so'nggi soniyalarda o'z jamoasi uchun penalti ishlab beradi va undan unumli foydalanib, "to'pchilar"ga uch ochko taqdim etadi.

"CHelsi" hamda "Xall Siti" uchrashuv kutilganidek "aristokratlar"ning g'alabasi bilan yakunlandi. Diego Kosta va Gari Kexillning gollari "CHelsi"ga taqibchilar bilan farqni yanada oshirishga imkon berdi.

"Eplmanager"da 22-turning eng yaxshi foydalanuvchisi: