"Oq-tepa"ning rekordi yoki "G'allakor-Avtomobilchi"ning antirekordi

Toshkentning "Oq-tepa" jamoasi o'z maydonida "G'allakor-Avtomobilchi"ni qabul qildi. Aytish lozimki shu kuni mezbonlar raqibini ortiqcha ayab o'tirmadi. Boshqacha aytganda toshkentliklar yaratilgan imkoniyatlarning deyarli barchasidan unumli foydalanib qolishga urindi. Moddiy jihatdan qiyinchiliklarga duch kelgan "G'allakor-Avtomobilchi" shu kuni o'z darvozasidan naqd 10ta (!) to'p o'tkazib yubordi. Birinchi bo'limning o'zida 4ta gol urgan "Oq-tepa" futbolchilari ikkinchi bo'limda ham sermahsul o'yin ko'rsatib, yana 6 bor raqib darvozabonini ranjitishga erishdi. Bu bilan Furqat Esonboev boshqaruvidagi "Oq-tepa" rekordni yangiladi. Yodingizda bo'lsa, joriy mavsumning birinchi bosqich doirasidan o'rina olgan "SHo'rtan"  "G'allakor-Avtomobilchi" bahsida g'uzorliklar raqib darvozasiga javobsiz 9ta to'p kiritishga erishgandi. SHundan buyon hech bir jamoa undan ortiq gol ura olmay kelayotgandi. Kecha poytaxt jamoasi 10ta to'p kiritib, ushbu rekordni yangilashga erishdi. Ko'ramiz keyinchalik bundan ham ortiq gol ura oladigan jamoalar topilarmikin.  

Darvoqe, payqagan bo'lsangiz "SHo'rtan"ning rekord qayd etishida ham aynan "G'allakor-Avtomobilchi" sabab bo'lgandi. G'uzordagi o'yinda 9ta gol o'tkazib yuborgan g'allaorolliklar kecha ushbu qora annasini davom ettirib, antirekordini yangiladi. Nahotki bu jamoaning himoya chizig'i shunchalik bo'sh o'ynayotgan bo'lsa. Yoki darvozaboni haqiqatdan ham kuchsizmi? Bilmadik...