"Oq-tepa". "Navro'z Kubogi" ham bizda!

Fevral oyida "Federaciya Kubogi"ni o'ziniki qilgan Yaroslav Krushelnickiy shogirdlari bugun "Navro'z Kubogi"ni ham qo'lga kiritdi. Finalga qadar raqiblarini yirik hisoblarda mag'lubiyatga uchratgan "Oq-tepa" hal qiluvchi bahsda ham o'z ananasiga sodiq qoldi. Bugun bo'lib o'tgan final "Bunyodkor" akademiyasining suniy qoplamali maydonida tashkil qilindi. Raqib mezbonlar - "Bunyodkor" tarbiyalanuvchilaridan tashkil topgan jamoa bo'ldi. Bobur Zuhriddinov va Doniyor Usmonov murabbiyligidagi yosh "qaldirg'ochlar" ilk daqiqalardayoq o'z darvozasidan to'p olib chiqdi. Natijada bu futbolchilarning ruhiyatiga salbiy tasir qildimi, birinchi bo'limning o'zidayoq hisob 0:4 ko'rinishini olib ulgurdi. Tanaffusdan keyin maydon egalari harchand urinishmasin vaziyatni o'nglay olishmadi. SHu tariqa "Navro'z Kubogi" ham "Oq-tepa"ga nasib qildi.

"NAVRO'Z KUBOGI - 2017"

BUNYODKOR - OQ-TEPA - 0:4 (0:4)

17 aprel. "Bunyodkor-akademiyasi" maydoni.

Bosh hakam: Akobir SHukurullaev.

"Oq-tepa": Rustam Dadaboev (Mixail Kaplan), SHahboz Tojiev, Firdavs Kenjaev, Islomjon Ortiqov, Olmos Fayziev, Islomjon Yo'ldoshev (Zikrillo Omonov), SHohruh Gulmurodov (Abdulloh Zikrillaev), Izzatilla To'lqinov (Karen Abramov), Irisdavlat Hakimov, Abdulaziz Ashrafxonov (Temur Hakimov), Abduvohid Abdukarimov (Bekzod Idiev).

Gollar: Abdulaziz Ashrafxonov, Firdavs Kenjaev, SHohruh Gulmurodov, Abduvohid Abdukarimov.  

"Oq-tepa" FK matbuot xizmati